Skip to main content

Tunngavissaq inissippoq: Tunngaviusumik inatsisiliornermik sulineq aallartissinnaanngorpoq

Tunngaviusumik inatsisissaq pillugu isumalioqatigiissitamut tunngavissaq sivisuumik isumaqatiginninniutigineqareerluni kiisami piareerpoq. Suliassaqarfimmut akisussaasoq, aningaasaqarnermut naalakkersuisoq, Vittus Qujaukitsoq, Sermitsiaq.AG-mut taama ilisimatitsivoq.

Tunngaviusumik inatsisissaq pillugu isumalioqatigiissitap tunngavissaanik nutaamik pilersitsinissamut ukioq ataaseq atorneqarpoq. Suliassap nassuiaataa inissippoq, maannakkullu Tunngaviusumik inatsisissaq pillugu isumalioqatigiissitami kikkut ilaasortaassanersut partiit aalajangiiffiginiartussaassavaat.

Tunngaviusumik inatsisissaq pillugu isumalioqatigiissitaq pillugu 2016-imi novembarimi aalajangerneq ulluni marlunni suliaripallanneqarpoq, Demokraatit taamanikkut partiini kisiartaallutik pilersitsinermut tapersiinngillat. Ilaatigut tunngaviata tuaviuunneqarsimanera pissutaatinneqarluni.

Tuaviuussaanerminilu pitsaasuusimanngitsoq tamatuma kingorna paasinarsinikuuvoq.

- Tunngavimmik nutaamik pilersitsiniarnermik sulineq sivisunikuuvoq, Vittus Qujaukitsoq nassuerpoq, suliassap nassuiarneqarnera sumik imaqarnersoq taassuma oqaatiginissaa kissaatiginngikkallarpaa.

- Partiit ataqqillugit kikkut ilaasortatut innersuutissaneraat inisseqqaartinnagu sulinermut nassuiaatip saqqummiunnissaa utaqqiseqqaarniarpara.

Taamaattumik sivisuvoq

Suliassap nassuiaataata assortuussutaasup inissinniarneqarnera sooq qaammatinik aqqanilinnik sivisussuseqarsimanersoq, taassuma nassuiarniarsarerusuppaa-

- Maajimi 2018-imi akisussaaffik tigugakku ilaatigut Partii Naleraq amerlanerussuteqarluta naalakkersuisoqatigigaarput, tamannalu assigiinngitsorpassuit nalilersoqqinnissaanik kinguneqarpoq. Aap, allamut sangusariaqarsimavugut, Demokraatillu tapertaralugit ikinnerussuteqarluta naalakkersuisoqatigiilerpugut, tassanilu sulineq taakkununnga naleqqussartariaqarsimavarput, Vittus Qujaukitsoq oqarpoq.

- Naalakkersuisut siunnersuutit saqqummiussaat Tunngaviusumik inatsisissaq pillugu isumalioqatigiissitaq pillugu Inatsisartut immikkut ittumik ataatsimiititaliaata misissoqqaarnikuuaat, kingornalu ataatsimiititaliap oqaaseqaatai ilanngullugit suliarineqarlutik. Tamannalu immikkoortut amerlasuut uteqattaarteqqaarneqarnerinik kinguneqarpoq, Vittus Qujaukitsoq nassuiaavoq.

- Ajortumik siunertaqartoqarnikuunngilaq, kisianni suliamut sivitsuutaasumik sinaakkuteqarsimavugut, Vittus Qujaukitsoq oqarpoq, sooq taama sivisutigisumik ingerlanneqarsimanera innuttaasut tupigisimanissaat taassuma nassuerutigaa.

Ukiut pingajuat avillugu kinguuaattoortoq

Tunngaviusumik inatsit 2018-ip naanerani piareersimanissaa novembarimi 2016-imi politikerit naatsorsuutigisimavaat. Ilisimaneqartutullu suliassap nassuiaataani ersernerluttoqarnera pissutigalugu piareersimanngilaq.

Isumalioqatigiissitap sulinera juunip 21-annut 2021-imut – Inuiattut ullorsiornitsinni – piareernissaa killiliunneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER