Skip to main content

Tunissutit inunnut ujaasissutinut atorneqassapput

Qeqqata Kommunia 100.000 koruunit inunnut ujaasussutinut atussavai, tunissutit 2016-ip aasaanerani Kinamiup periarfeerunneqartup ilaqutaanit tunissutaapput.

2016-ip aasaanerani Kangerlussuup Sisimiullu akornanni Kinamiu pisuttuartoq periarfeerunneqarluni iluatsinngitsumik ujaarineqaraluarnera tunngavigalugu, pisuttuartut inummik ujaasissumik pigisaqalernissaat, Qeqqata Kommuniani kommunalbestyrelsimut ilaasortaq, Melene Ingemann (PN), siunnersuuteqarpoq.

Atuaruk: Kiinamiumik pisuttuartumik ujaasineq taamaatikkaat

- Ujaasisarnerit annikillisinneqarnissaa qulakkeerniarlugu, Kommunitsinni takornarissanut ulluni arlaqartunik sivisussusilimmik pisullutik angalanissaannut inunnik ujaasissummik atuinissaanik piumasaqaateqartariaqarpugut, Melene Ingemann, ukioq kingulleq kommunalbestyrelsip aggustip qaammataani ataatsiinnerani oqarpoq.

Aningaasaqarnermut ataatsimiititaliap eqqartugassaani allassimasoqarpoq, inummik ataatsimik ujaasineq 500.000 koruunit sinnerlugit akeqartoq, takornarissallu amerliartornerini ujaasineq kingulliunaviarani. Taamaattumik takornarissat tikilluaqqunerini minnerpaamik inunnik ujaasissuteqartarnissaanik piumasaqarfigisariaqarpavut.

Suliareqqitassanngortinneqartoq

Kommunalbestyrelsip aalajangiivoq, Upalungaarsimaniarnermut ataatsimiititaliamut aammalu Inuussutissarsiornermut ineriartortitsinermut ataatsimiititaliamut suliaq ingerlateqqinneqassasoq. Suleqatigiissitallu aaqqiissutitut siunnersuusiornissamik suliakkerneqarlutik.

Taamaattumik suleqatigiissitaq Personal Location Beacon (PLB) kiisalu aqqutaani illuaqqanik nalunaarsuinermik aamma atuagassiani tamani logbogit atulersinneqarnissaanik periutsimik nassaarpoq. 

- Sisimiut Kangerlussuullu akornanni pisulluni takornarianut aammalu takornariarluni pisuttunut tamanut ulluni arlalinni pisuttussanut piumasaqarnikkut, PLB annertuumik inuiaqatigiinnut sipaaruteqarnermik kinguneqarsinnaavoq isumannaallisaanermillu annertusaalluni, PLB pisariaqartitsinermi ikiorneqarnissamik aggersaatitsinissamut periarfissaqareermata sumiiffik eqqoqqissaartumik nalunaarutiginnissinnaalluni, suleqatigiissitat allapput.

Tunissutit 100.000 koruunit

2016-ip aasaanerani Kina-miumut inummut maqaasineqartumut ilaqutaasut, pisulluni takornarissanut isumannaallisaanerup pitsanngorsarnissaanut Qeqqata Kommunianut 100.000 koruuninik tunissuteqarnikuupput. Aningaasat ujaasinermi atugassatut tunissutaasimangaluarput.

Atuaruk: Ujaasinermi 100.000 koruuninik suli akissarsiassaqartoq

Suleqatigiissitap siunnersuutigaa, taakku 100.000 koruunit PLB-nik 30-40 akornnanni amerlassusilinnik aamma qarasaasiaq atorlugu inniminniissummik pisinissamut atorneqassasut, aammalu Qeqqata Kommunia PLB-nik piginnittuussasoq.

Ullumi aalajangiisoqarniartoq

Aallaqqaammut Qeqqata Kommuniani Upalungaarsimasussaatitaasut ingerlatsinermut ingerlatsisuussapput, kisianni siumut sammisumik taakkunannga ingerlatsisuusinnaasumut aaqqiissummik nassaartoqassaaq, ajornanngippat takornarialerisumik. Tassani PLB-mik atuilernermut atuereernermilu sumut aaneqartassanersut/tunniunneqartassanersut, aaqqiissutissamik ujartuilluni suleqatigiissitaq suliaqarpoq. 

Qeqqata Kommuniani aningaasaqarnermut ataatsimiititaliaq ataatsimiinnerani suliaq, ullumi marlunngornermi aalajangiiffigineqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER