Tunisinermi akinik unammineq sakkortooq
Uummannami aalisakkanut suliffissuit pingasuusut unammilleqatigiinnerat qaleralinnik tunisinermi kilomut akigitinneqartup qaffanneranik kinguneqarpoq - tamannalu inuussutissarsiornerup pitsaasumik ineriartorneranut takussutissaasoq, aalisartut sulisartullu peqatigiiffiisa oqaatigaat.
Ukiut arfinillit kingulliit ingerlaneranni Uummannami innuttaasut 200-t missaannik amerleriarput, taamalilluni 2022-mi 1.500-t missaannik amerlatigilersimallutik, tamatumalu malitsigisaanik aalisakkanik tunisassiorneq aalisarnermillu inuussutissarsiuteqarneq malunnaatilimmik siuariartorfiuvoq.
Aviisi Sermitsiaq taama allappoq.
Uummannami aalisakkanut suliffissuit pingasuupput, taakkualu sakkortuumik unammilleqatigiinnerisa kingunerisaanik piffissami kingullermi qaleralinnik tunisinermi kilomut akigitinneqartoq qaffanneqarpoq, tamannalu aalisartut aningaasaqarnerannut iluaqutaaginnarani, aammali aalisakkanut suliffissuarni tunisassiornerup qaffariarneranik sulisullu amerlanerulernerannik kinguneqarpoq.
Akit qaffattut
Aggustip 17-iat aallarnerfigalugu Uummannami Royal Greenland A/S-p aalisakkanut suliffissuaataani qalerallit mikinerit 3,5 kilop tungaanut oqimaassusillit tunisinermi kilomut akii nikinnatik 25 koruuneqaannarput, 3,5 kilomiillu qummut oqimaassusillit kilomut 25 koruunimiit 28 koruunimut qaffanneqarlutik.
Aviisimi Sermitsiami atuarnerusinnaavutit. Aviisi uani pissarsiariuk: