Tuniniaavik ulunik ulikkaarpoq
Kalaallit eqqumiitsuliortut eqqumiitsuliorneq inuuniutigissagunikku killissanik ujarlertariaqarput ulut qajartortullu sammiunnaarlugit, taamatut isumaqarpoq eqqumiitsuliortoq Malene Guldger.
- Tuniniaavik ulunik, unaalianik, nannunik, qilaatinik, avittanik aamma Sassuma Arnaanik ulikkaarpoq. Taamaattumik kalaallit eqqumiitsuliortut ingerlaqqissapput killissanillu nutaanik ujarlerlutik. Taamatut isumaqarpoq eqqumiitsuliortoq Malene Guldager, Nuummi inunngorsimasoq, maannali Danmarkimi najugalik.
- Kalaallit eqqumiitsuliarisartagaannik sanarpiassaarnikuuvunga, inunnilli qalipaanerusalerlunga. Soorlu arlaat uannut allattoq ”Kalaaleq eqqumiitsuliortoq kalaallit eqqumiitsuliarisartagatoqaannik sananngitsoq takullugu alutornaq” – inummik qalipakkannut suli naammassisimanngisannut atatillugu.
- Isumaqarpunga taamatut oqarfigineqarneq nalissaqanngitsoq.
Eqqumiitsuliortoq aviisimut Sermitsiamut oqarpoq.
Alianaatsut qimalllugit
- Seqernup tarrilersup nalaani qajartortumik – imaluunniit Arsarnernik qilammi qitittunik – alianaallisarujussuarlugit eqqumiitsuliorneq, tassaniiginnassanngilagulli. Eqqumiitsuliortup eqqumiitsuliortutut ilisimaneqaraluartulluunniit alianaatsuliorneq qimallugu ineriartorsinnaanngikkuni ullumikkut ajornakusoortunik atugassaqarpoq. Tassami sungiusimasat sanallugit nuannerlunilu toqqissisimanarpoq – sapernagit nalunagu. Uangali qajartortoq qimaannarsimavara killissanillu nutaanik ujarlerlunga, tamatumunnga piffissaqaraangama periarfissaqaraangamalu.
Allaaserisaq tamaat uani Sermitsiami pisiarisinnaasanni atuarsinnaavat: