Tuniluuttoqartoq: Meeqqeriviit suli matoqqatinneqarput

Nuummi meeqqeriviit marluk qanoq tuniluuttoqartiginerata paasineqarnissaata atungaanut matoqqagallartinneqassapput.

Nuummi ulluunerani paaqqinnittarfimmi Timmiaaqqani meeraq ataaseq sulisorlu ataaseq coronavirusimik tunillatsissimasut marlunngormat paasineqarpoq.

Kommuneqarfik Sermersuumi maanna ilisimatitsissutigineqarpoq, meeqqerivik siusinnerpaamik malunngornermi septembarip 14-iani ammaqqinneqarsinnaasoq.

Taassuma saniatigut sunngiffimmi ornittagaq AKO Narsarmiutaq aamma matoqqagallartinneqassaaq.

Nuummi inuit 500-t misissortissimasut

- Meeqqat sulisullu misissorneqarnerini ornittakkami qanoq tuniluuttoqarsimatiginersoq paasineqarpat ammaaqqinnissaq Nakorsaaneqarfimmit naliliiffigineqassaaq, Kommuneqarfik Sermersooq nittartakkamigut allappoq.

Pingasunngormat aamma paasineqarpoq, USK-imi atuartoq ataaseq tunillatsissimasoq. Atuartup klasseqatai angerlartinneqarlutillu misissortikkiartoqquneqarsimapput.

Oqartussat pingasunngormat ilisimatitsissutigaa, Nuummi inuit 17-it coronavirusimik tunillatsissimasut, Taakkunannga meeqqat aqqaneq-marluk tunillatsissimallutik.

Coronamut allattoqarfiup Sermitsiaq.AG-mut ilisimatitsissutigaa, Nuummi inuit 500-t missaanniittut pingasunngormat coronavirusimut misissortissimasut.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS