Skip to main content

Tuniluuttoqarnera pillugu akisussaassuseqartoqarnissaanik ujartuisoq

Naalakkersuisup Naaja H. Nathanielsenip coronap tuniluunnerata unitsinneqarnissaanut atatillugu Munck-gruppenip aqutsisuisa inuiaqatigiinni akisussaaqaataallutik ersarissumik akisussaassusilimmillu aqutsinissaat amigaatigaa.

Ineqarnermut, Attaveqatigiinermut, Aatsitassanut Naligiisitaanermullu Naalakkersuisup, timmisartoqarfiliortut najugaqarfianit tunillaassuisoqarnera maannamullu Nuummi innuttaasunik marlunnik Ilulissanilu ataatsimik tunillatsittoqarsimanera eqqarsaatigalugit, Munck-gruppenimi aqutisut isornartorsiorpai.

Naaja H. Nathanielsen (IA) oqarpoq, tamatta killilersuinernik atuuttunik malinninnissamut akisussaassuseqarnitsigut tuniluunnermik siaruartitsinnginnissaq sakkussatta pingaarnersaraat:

- ENappaatit suulluunniit alianartuupput, uungalu inummut allanullu ulorianartorsiortitsisinnaallutik. Aamma Covid-19 peqqutigalugu sulianik matusinerit suulluunniit suliffeqarfinnut illoqarfinnulluunniit ataasiakkaaginnarnut eqquisanngilaq. Tamanna tamatsinnut akisusarpoq, taanna tusagassiorfinnut nalunaaruteqarluni oqarpoq, nangillunilu:

- Pisumi matumani Munck Gruppenip ersarissumik akisussaassusilimmillu aqutsinissaa amigaatigaara. Suliffeqarfimmiit siunissami qanoq iliorluni tamatta inuiaqatigiinni akisussaaqataanitsinnik kivitseqataanissamut oqariartuuteqartoqarnissaa amigaatigaara. Munck Gruppenip aqutsisuinit suliffeqarfimmi COVID-19-ip tuniluunneranik unitsitsiniarluni suliniutissat suut suliniutigineqarniarnersut pillugu ilisimatinneqarnissara qilanaaraara, Ineqarnermut, Attaveqatigiinermut, Aatsitassanut Naligiisitaanermullu Naalakkersuisoq Naaja H. Nathanielsen oqarpoq.

Nunatta Nakorsaanera: Mattusimanissamut marlittarisassat unioqqutinneqarsimarpassinngillat

Naalakkersuisup erseqqissaatigaa, Munck Gruppen suliassamik angisuumik inuiaqatigiinnullu kalaallinut pingaarutilimmik suliaqartuusoq, aammali suliffeqarfik najukkami inuiaqatigiinnut akisussaaqataallunilu inuiaqatigiinni toqqissisimanermik pilersitseqataasussaasoq.

Nunatsinni nakorsaarnerup Henrik L. Hansenip marlunngormat tusagassiortunik katersortitsinermi oqaatigaa, timmisartoqarfiliortut najugaqarfiaanni tuniluuttoqalersimaneranut atatillugu mattusimanissamut malittarisassat unioqqutinneqarsimarpasinngitsut.

Oqartussat ataasinngormat unnukkut tuniluuttoqalersimasoq paasigamikku, marlunngormat innuttaasunik misissuititsineq allartippaat. Nuummi inuit 90-it missaanniittut coronamut misissorneqarput, misissortissimasullu arlaannaalluunniit tunillatsissimanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER