Tunillatsittut: Nuummi tunillatsittut nutaat tallimat
Illoqarfiup pingaarnersaani tunillatsittut nutaat tallimat ullumi paasineqarpoq. Tunillaasuuneq suminngaaneernersoq tunillatsissimasunit arlalinnit ilisimaneqanngilaq.
Inersimasut tallimat Nuummi tunillatsissimasut paasineqarpoq. Tunillaasuuneq suminngaaneernersoq tunillatsissimasunit arlaqartunit ilisimaneqanngitsoq, Nunatta Nakorsaaneqarfiata paasissutissiissutigaa.
Maanna tunillatseqqasut 52-iuppunga. Taakkunannga 51-it Kommuneqarfik Sermersuumiipput, ataaserlu Kommune Kujallermiilluni.
Pingasunik nutaanik tunillatsittoqarsimasoq ippassaq marlunngornermi paasineqarpoq. Nuummi pingasut ataaserlu Tasiilami aamma tunillatsissimasoq paasineqarluni.
Nuna tamakkerlugu misissuinerit killeqangaatsiarsimasut nunatta nakorsaaneqarfiata paasissutissiissuutigaa.
Ataaseq unitsinneqartoq ataaserlu aniguisinneqarluni
Nuummi tunillatsissimasut nutaat tallimat saniatigut Dronning Ingridip napparsimavissuaniit ataaseq anisoq ataaserlu nutaaq napparsimavissuarmut unitsinneqarsimasoq paasissutsissiissutigineqarpoq. Uninngasuni kisitsit kininnani marlunnik maanna allaqqapput.
