Tunillatsittut: Nuummi pingasut nutaat Tasiilamilu ataaseq

Tunillatsissimasut nutaat tamarmik tunillatsereersimasunit ilisimaneqartunit tunillanneqarsimapput.

Nunatsinni tunillaassuunneq sapaatip akunnerata ataatsip ingerlanerani annikilliartupiloorsimavoq. Nunatta Nakorsaaneqarfiata kisitsisaataasa nutaata takutippaat nunatsinni tunillatsissimasut sisamat nutaat paasineqarsimasut.

Pingasut Nuummiipput ataaserlu Tasiilamiilluni.

- Tasiilami tunillatsissimasumik nutaamik ataatsimik paasisaqartoqaqqippoq. Tunillatsissimasumullu paasineqareersimasumut taanna attaveqartuuvoq. Meeqqerivik Mikisumi maanna tunillaassuuttoqanngilaq, nunatta nakorsaaneqarfia ilisimatitsivoq.

Tasiilami tunillatsissimasut nutaat marluk sisamanngornermi 30. september paasineqarput. Taakku Danmarkimiit Island aqqusaarlugu tikissimapput. Paasisaqartoqareernerani innuttaasut arlallit angerlarsimaannaqquneqalerput misissorneqarlutillu.

Tunillatsittut ikiliartortut

Nunatsinni tunillaassuuttoqarnera sapaatip akunnera kingulleq annikinneruvoq. Uge 39-mi tunillatsissimasut katillugit 26-it paasineqarput. Taakkunani 23-it Nuummi paasineqarlutik. Sapaatip akunnerata siuliani, tassa uge 38-mi tunillatsissimasut katillugit 96-it paasineqarput, taakkunannga 92-it Nuummiillutik.

Powered by Labrador CMS