Tunillatsittut nutaat arfineq-marluk: Meeqqerivinni timmisartumilu tunillaasoqarsimasinnaasoq
Nuummi tunillatsissimasut nutaat arfineq-marluk arfininngornermi 25. september paasineqarput. Meeqqerivinni tunillatsittoqarsimanissaa ilimagineqarpoq. Timmisartumilu ataatsimi ilaasut ersiuteqalernissamut aamma maluginninniaqquneqarput.
Coronavirusimik tunillatsissimasut nutaat arfineq-marluk paasineqarsimapput. Taakku tamarmik Nuummiipput.
- Tunillatsissimasut meeqqerivinni tunillatsissimasinnaasut ataasiakkaat paasineqaqqipput, nunatta nakorsaaneqarfia ilisimatitsivoq.
Meeqqerivinni paaqqinnittarfinnilu piffissami kingullermi tunillaassuuttoqarpoq.
Maanna ukuupput:
- Tikiusaaq
- Meeqqerivik Ungaavaraq
- Ullukkut paaqqinnittarfik Nukariit
- Nutaarmiut
- Meeqqerivik Timmiaaqqat
Tunillaassuuttoqannginnissaanut suliniutit aallartereerput. Kommuneqarfik Sermersoorlu peqatigalugu iliuuseqartoqartoq, meeqqeriviillu sapinngisamik ingerlaannarnissaat anguniarlugu iliuuseqarniartoqartoq ilisimatitsissutigineqarpoq.
Tunillatsissimasoq angalasoq
Tunillatsissimasoq ataaseq Kangerlussuarmiit Nuummut arfininngornermi 25. september angalasimavoq. Angalaqataasut tunillatsissimasinnaanermut ersiuteqarunik misissortikkiartornissaannik kaammattorneqarput.
- Tunillatsissimasoq ataaseq Kangerlussuarmiit nalunaaqutaq 8.35 aallarluni Nuummut arfininngornermi 25. september GL 544 angalasimavoq. Ilaasut kaammattorneqarput ersiuteqarnerlutik maluginiaqqullugit, misissortikkiartoqqullugillu, nunatta nakorsaaneqarfia allappoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...