Skip to main content

Tunillatsittut arfineq-marluk - taakkunani aamma peqqinnissaqarfimmiut

Tunillatsissimasut nutaat paasineqartartut ulluni kingullerni qulit ataattarpaat. Tunillatsittut nutaani Nuummi peqqinnissaqarfimmi sulisut ilaasut, nunatta nakorsaaneqarfia ilisimatitsivoq.

Nunatsinni tunillatsissimasut nutaat arfineq-marluk sisamanngornermi paasineqarput.

Taakkunani meeqqat marluk Sisimiuni paasineqarput. Ataaseq sumi tunillatsissimanersoq ilisimaneqanngitsoq, nunatta nakorsaaneqarfia ilisimatitsivoq.

Tasiilami tunillatsissimasoq nutaaq ataaseq paasineqarpoq. Taanna tunillatsereersimasunut qanigisaavoq. Nuummi tunillatsissimasut sisamat paasineqarput.

- Tunillatsissimasut nutaat arlallit sumi tunillatsissimanersut ilisimaneqanngilaq, nunatta nakorsaaneqarfia kisitsisit nutaat saqqummiunneqarnerini ilisimatitsivoq.

- Dronning Ingridip Napparsimmavissuani aamma Dronning Ingridip Peqqissaaviani sulisut tunillatsissimasunut ilaapput. Taamaammat peqqinnissaqarfiup pulaartut killilersimaalerpai, qanermullu assiaqutit atuutsilerlugit, ilisimatitsissutigineqarpoq.

Angalasoq ataaseq tunillatsissimasoq

Nunatta nakorsaaneqarfia ilisimatitsivoq nunatsinniit Danmarkimut ataasinngornermi 11. oktober angalasoq, Danmarkimut tikereernermini tunillatsissimanermik paasisaqarsimasoq.

Pineqartoq Nuummiit Kangerlussuarmut 11/10-2021 nal. 09.15 GL 544 ilaaffigalugu aallarsimavoq, ullorlu taanna, tunillaasinnaanermi nalaani, Københavnimut ingerlaqqilluni.

- Timmisartuni pineqartuni ilaasimasut tunillatsissimanermut ersiuteqarunik tunillatsiffiusinnaasumit ullut sisamassaanni arfineq-aappassaaniluunniit misissorneqaqqullugit kaammattorneqarput, nunatta nakorsaaneqarfia allappoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER