Tunillatsittoqarsimasinnaaneranik mianersoqquteqarneq tunuartinneqartoq
Coronamut allattoqarfiup kaammattuineratigut Kommuneqarfik Sermersuumit tallimanngormat mianersoqqutigineqarpoq, Nuummi naluttarfimmi Malimmi tunillaassuisoqarsinnaasoq, tamannali kukkunerusoq kingusinnerusukkut paasinarsimavoq.
Tallimanngormat Kommuneqarfik Sermersuup nittartagaatigut mianersoqqutigineqarpoq, Nuummi naluttarfimmi Malimmi tunillaassuisoqaratarsinnaasoq.
Kommunip Coronamut allattoqarfiup kaammattuineratigut nalunaarutigaa, piffissami oktobarip 29-aniit novembarip sisamaanut nalukkiarsimasut tunillatsissimaratarsinnaasut taamaammallu ippigisaqalersinnaanertik maluginiassagaat.
Tamannali kukkunerusoq, Lars Damkjær coronamut allattoqarfimmeersoq ilisimatitsivoq.
Inut ataaseq naluttarfimmut attuumassuteqartoq coronavirusimik tunillatsissimavoq, nunatsinni nakorsaanerup nalilerpaa, inuit ikittuinnaat pineqartumit tunillatsissimasinnaasut.
Taamaammat naluttarfimmut isertartut ernumassutissaqanngitsut oqaatigineqarpoq:
- Misissortittariaqartut toqqaannartumik attaveqarfigineqarumaarput, Lars Damkjær oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...