Skip to main content

Tunillatsittoqaqqittoq: Upernavimmi aqunneqarsinnaanngitsumik tuniluuttoqariaannaasoq

Upernavimmi tunillatsissimasut pingasut maanna aamma paasineqarput. Tunillatsissimasut ippassarli angerlarsimatiinnarneqarput. Marluk tunillatsereernikunut qanillivallaarsimapput, tunillatsissimasulli pingajuat Upernavimmi tunillatsissimasunut toqqaannartumik attuumassuteqanngilaq.

Upernavimmi pingasut allat covid-19-imik tunillatsissimasut tallimanngornermi paasineqarpoq. Tasiusami katerisimaanermi tuniluuttoqarsimanera tuniluunnerup paasiniarnerata takutippaa, tunillatsissimasulli pingajuat sumi tunillatsissimanersoq oqartussat ilisimanngilaat.

Tasiusami kateriffimmi najuussimasut tamarmik Corona pillugu Allatseqarfimmit attaveqarfigineqaleruttorput. 

Tasiusami Upernavimmilu misissuinerit

  • Tasiusaq: arfininngorneq juulip 24-ani nal. 12.30 illu sullissivimmi
  • Upernavimmi innuttaasut ersiutillit: arfininngorneq juulip 24-ani nal. 09.00-ip 12.00-ullu akornanni Peqqissaavimmi misissuineq ingerlanneqassaaq. Misissortinniaraanni oqarasuaatikkut 96 49 13-mut sianernikkut piffissamik inniminniisoqassaaq.

Misissortikkartortut tamarmik qanermut assiaquteqassapput qanillinaveersaassallutillu, oqartussat paasissutissiipput.

Upernavimmi tuniluunneq

Upernavimmi ataatsimik tunillatsittoqarsimasoq sisamanngornermi paasineqarpoq, maannalu illoqarfimmi tunillatsissimasut katillugit sisamaalerput. Taassuma saniatigut Nuummi sisamanngornermi misissuinermi pingasunik tunillatsittoqarsimasoq paasineqarpoq. Taakkunannga ataaseq Upernavimmi tunillatsissimasunut attuumassuteqarpoq.

LÆS OGSÅ: Tunillatsissimasut amerlanerit - timmisartumik ilaasimasut mattusimasussanngorput

Tunillatsissimasumut qanillisimasut angerlarsimaannassapput

Tunillanneqarsimasumut qanillisimasut ulluni arfineq-marlunni angerlarsimaannassapput, ullullu arfineq-aappassaanni misissortinnikkut tunillatsissimannginnerat uppernarsarneqarnissaata tungaanut angerlasimaannartussaallutik.

Kikkut tamarmik qanillinaveersaarnissaat kaammattuutigineqarpoq, taamaaliornikkut tunillatsissimasumut qanimut attaveqartut ikinnerpaaffissaaniitinneqarsinnaammat. 
Ilutigalugu innuttaasut ersiuteqarnerlutik eqqummaariffigissagaat kiisalu innersuussutit nalinginnaasut malinnissaat kaammattuutigineqarpoq.
Qanillinaveersaarit, assatit asakulakkit, tangajussatillutit/quersussatillutit talivit peqittarfianut tangajorit/quersorit, ersiuteqaruit imalunniit Covid-19-imik tunillatsissimasumut qanillisimaguit angerlarsimaannarit misissortikkiartorlutillu.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER