Tunillatsissimasut: Arfineq-pingasut nutaat paasineqarput
Sisimiuni tunillatsissimasut pingasut aamma Nuummi tunillatsissimasut tallimat pingasunngornermi paasineqarput.
Nunatsinni coronavirusimut tunillatsissimasinnaanermut ullup ataatsip ingerlanerani misissortittut 472-iupput.
Taakkunannga arfineq-pingasut tunillatsissimasut paasineqartut, nunatta nakorsaaneqarfiata nittartakkamini ilisimatitsissutigaa.
- Tunillatsissimasut nutaat arfineq-pingasut ullup ataatsip ingerlanerani paasineqarput, taakkunannga pingasut Sisimiuniipput tallimallu Nuummiillutik. Sisimiuni Nuummilu tunillatsissimasut arlallit tunillatsereersimasunut attuumassuteqanngillat, nunatta nakorsaaneqarfia ilisimatitsivoq.
Tunillatsissimasut nutaat ippassamut sanilliukkaanni ikaqqatigiiginnarput, ippassarmi arfineq-marluk nutaat paasineqarput.
Qeqqata Kommunia Facebookimini ilisimatitsivoq meeqqerivik Sisi ullumi 13. oktober matoqqagallartoq. Meeqqat meeqqerivimmiittartut sulisullu ullumi misissortinnissamik kaammattorneqarput, tunillatsissimannginnerminillu paasisaqarunik aatsaat meeqqeriviliaqqissinnaassallutik.
