Skip to main content

Tunillatsissimasut nutaat Upernavimmeersumit Aasianneersumillu tunillatsissimasut

Tunillatsissimasut nutaat arfineq-pingasut marlunngormat paasineqartut tamarmik, Aasianni Upernavimmilu tunillatsissimasunit tunillanneqarsimapput. Oqartussat ilisimatitsissutigaat, tuniluunnerit Upernavimmi Aasiannilu tunillatsissimasunit ilisimaneqartunit pisimasut, taamaattumillu nualluut tuniluutiasorujussuaq Delta atugaasimassasoq ilimanaateqarluinnartoq.

Aasianni tunillatsissimasut arfinillit nutaat, Qasigiannguani ataaseq kiisalu Nuummi ataaseq paasineqarsimapput. Timmisartunut ilaasimasut imerniartarfimmiissimullu misissortikkiartoqquneqarput.

Ataatsimut isigalugu ullup unnuallu kingulliup ingerlanerani tunillatsissimasut arfineq-pingasunik ilaqqipput. Upernavimmi sumiiffinnilu arlalinni allani imaluunniit misissueqqissaarnissamut killilinnik atortulinni misissuisoqarpoq. Sumiiffinni taakkunani misissugassatut tigusat marlunngornermi Ilulissanut tikiunneqarnissaat naatsorsuutigineqartoq, oqartussanit ilisimaititsissutigineqarpoq.

Timmisartumut ilaasimasut imerniartarfinniissimasullu misissortissasut

Tunillatsissimasut nutaat tamarmik tunillatsereernerminni angalasimapput. Taamaattumik tuniluuttoqaqqissimanissaa ilimanaateqartorujussuuvoq.

- 27. juli 2021-mi Upernavimmiit Ilulissanut timmisartumi (GL 205) kiisalu 28. juli 2021-mi Ilulissaniit Aasiannut timmisartumi (GL 533) tunillatsissimasunik ilaasoqarsimavoq. Timmisartunut taakkununnga ilaasimasut tamarmik pilertornerpaamik misissorteqqullugit, aammalu misissortinnerit inernerisa paasineqarnissaanut mianersorluaqqullugit kaammattorneqarput, oqartussat tusagassiorfinnut nalunaaruteqarlutik allapput.

Oqartussalli Upernavimmi Aasiannilu tunillatsissimasutut ilisimaneqartunit tuniluuttoqalersimanissaa qularutiginngilaat, taamaattumillu nualluut tuniluutiasorujussuaq Delta atugaasimassasoq ilimanaateqarluinnarnerarlugu.

Tunillatsissimasunut qanillisimasut attavigineqassasut

Timmisartunut ilaasimasut saniatigut, Qasigiannguani imerniartarfimmiissimasut misissorneqassapput. Tunillatsissimasoq ataaseq juulip 28-ani unnukkut Uilu-Baarimiissimammat.

- Inuit piffissami pineqartumi imerniartarfimmiissimasut aamma kaammattorneqarput, pilertornerpaamik misissorteqqullugit, aammalu misissortinnerit inernerisa paasineqarnissaanut mianersorluaqqullugit.

Tunillatsissimasunut qanillisimasut tamarmik Coronamut allattoqarfimmit saaffigineqassapput, aamma tunillatsissimasut tamarmik angerlarsimaffimminni imminnut mattuteqqapput.

Tunillatsissimasunut qanillisimasut ulluni arfineq-marlunni, tassalu piffissamit tunillatsiffiusimasinnaasumiit naatsorsorlugu angerlarsimaannassapput. Ullut arfineq-aappassaanni tunillatsissimasumut qanillisimasut PCR-imut misissortissapput, tunillatsissimannginnerlu paasineqarpat angerlarsimaannartussaatitaaneq unissaaq. Misissortinnermi tunillatsissimanani paasineqaraluarpalluunniit, innuttaasut angalanerminni mianersortariaqarput, covid-19-eqarnerummi takuneqarsinnaalernissaata tungaanut ullut 14-it ingerlasinnaammata.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER