Skip to main content

Tunillatsissimasut nutaat arfineq-pingasut

Ulloq kingulleq tunillatsissimasut nutaat arfineq-pingasut Nuummi nassaarineqarput.

Nuummi ulloq kingulleq tunillatsissimasut arfineq-pingasut nassaarineqarput, Sisimiunilu nutaanik tunillatsittoqarsimanngilaq. Nunatsinni Nakorsaaneqarfik nittartakkamgiut taamatut allappoq.

Pingasunngormat tunillatsissimasut nutaat 24-t, taakkunannga Nuummi 23-t paasineqareersut taamatut nalunaaruteqartoqarpoq.

Nunatsinni Nakorsaaneqarfik allappoq, tunillatsissimasuni ataaseq eqqaassanngikkaanni tunillatsissimasut tamarmik inersimasuupput.

- Meeqqerivinni tuniluuttoqarnera unikaallassimarpasippoq, ilaqutariinnili meeqqerivinniittuutilinni nutaanik suli tunillatsittoqarsinnaanera naatsorsuutigineqartariaqartoq, nakorsaaneqarfimmit ullumi killiffik pillugu nalunaarutigineqarpoq.

Akiuussutissalerneqarsimasut arlallit tunillatsissimasunut ilaasut

Pingasunngormat tunillatsissimasunit 24-usunit akiuussutissalerneqarsimanngitsut aqqaniliupput - taakkunannga meeqqat marluullutik.

Tamtuma saniatigut tamakkiisumik akiuussutissalerneqarsimasut qulit tunillatsissimapput, pingasullu ilaannakortumik akiuussutissalerneqarsimallutik, Coronamut atatillugu sulisoqatigiinnit Sermitaq.AG-mut oqaatigineqarpoq.

Tunillatsissimasunit 18-it unnuakkut illoqarfimmiissimanerminni tunillatsissimanissaat ilimanartoq ilanngullugu ilisimatitsissutigineqarpoq.

Takussutissaq: Nunatsinni Nakorsaaneqarfik
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER