Tunillatsissimasut nutaat arfineq-pingasut
Tunillatsissimasut maanna 46-upput, iluarsisimasullu 84-iullutik. Tassa tunillatsissimasut arfineq-pingasunik ilaqqissimapput, aaqqissimasullu arfinilinnik ilaqqissimallutik. Kommuni Kujallermi tunillatsissimasut tamarmik iluarsisimapput, Kommuni Qeqertalimmi tunillatsissimasut amerlisimallutik.
Annonce
Nunatta Nakorsaaneqarfiata coronamut atatillugu saqqummiussisarfianit kisitsisit kingulliit takutippaat, ataasinngornermi tunillatseqqasut 122-iusimariarlutik maanna 130-nngorsimasut. Tassa marlunngornermi tunillatsissimasut nutaat arfineq-pingasut nalunaarsorneqarsimapput.
Tunillatseqqasut maanna 46-upput, arlallilli aamma iluarsisimallutik.
Avannaata Kommuniani tunillatsissimasut 19-iupput, Kommuni Qeqertalimmi 20-usut Kommuneqarfik Sermersuumilu arfineq-marluullutik. Kommuni Kujallermi tunillatsissimasut marluk kingulliit iluarseqqereerput, kommunilu taamaalilluni tunillatsissimasuerulluni, tamanna aamma Qeqqata Kommuniani atuuppoq.
Nunami tunillatsissimasut maannakkorpiaq agguataasimanerat tulliuttumi takuneqarsinnaavoq: