Tunillatsissimasut amerlassussat sisamanngornermi saqqummiunneqanngillat
Pingasunngornermi innaallagissap qaminnera pissutigalugu Nuummi peqqinnissaqarfimmit pingasunngornermi misissugassatut tiguneqarsimasut misissoqqissaarsinnaanngilai/nalunaarsorsinnaanngilai. Taamaammat ullumi sisamanngornermi tunillatsissimasut qanoq amerlatiginersut saqqummiunneqarsinnaanngillat.
Annonse
Ippassaq novembarip 24-ani Nuummi innaallagissap qaminnera pissutigalugu Peqqinnissaqarfimmit misissukkat tunillatsissimasullu pillugit paasissutissat tunniunneqanngitsoorsimapput. Nunatsinni Nakorsaaneqarfik nun.gl-ikkut taamatut ilisimatitsivoq.
Pingasunngornermi illoqarfiit pingaarnersaanni sineriaallu ilaani anorersuarnerata malitsigisaanik, misissugassatut tiguneqarsimasut akissutaat, taamalu aamma tunillatsissimasut pillugit paasissutissat tunniunneqarnissaat kinguaattoorsimavoq.
- Peqinnissaqarfimmit tamanna aaqqiiffiginiarlugu tamaviaarluni sulisoqarpoq. Nalunaarutigineqareersinnaavorli, tunillatsissimasut pillugit paasissutissat siusinnerpaamik aqangu tallimanngornermi tunniunneqarumaartut.