Tunillatsissimasut amerlassusaat: Tunillatsissimasut nutaat 59-it
Nunatsinni Nakorsaaneqarfiup nalunaarutigaa, Upernavimmi aqqaneq-marluk, Kangerlussuarmi marluk Nuummilu 47-t tunillatsissimasut.
Sapaatip-akunnerata naanerani tunillatsissimasut katillugit 59-it nassaarineqarsimapput. Upernavimmi aqqaneq-marluk, Kangerlussuarmi marluk Nuummilu 45-t tunillatsissimapput, Nunatsinni Nakorsaaneqarfik nittartakkamigut taamatut ilisimatitsissuteqarpoq.
Som Sermitsiaq.AG-p ullumi oqaluttuarineqaratuut, Upernavimmi tuniluuttoqangaatsiarpoq ilaqutariinnilu arlalinni tunillatittoqarsimalluni.
Misissugassatut tiguneqarsimasorpassuit ataasinngornermi Nuummut anngunneqarsimapput, maannalu misissoqqissaarneqarlutik.
Nuummi tuniluuttoqarnera pillugu Nunatsinni Nakorsaaneqarfik imatut allappoq:
Pingasut uninngasut
- Nuummi sapaatip-akunnerani 46-mi inuit katillugit 149-t tunillatsissimapput, sapaatip-akunnerani 45-mi 157-iusimallutik. Tuniluuttoqarnera malunnartumik kigaallatsinneqarsimavoq. Tamanna assersuutigalugu inuit 100.000-iugaangata 664-it tunillatsissimasarlutik, taamalu nunanut tamalaanut sanilliullugit suli amerlasuupilussuullutik. Sapaatip-akunnerani 45-mi 2,3%-iusimaeriarlutik maanna 2.4%-inngorsimallutik.
Nunatsinni Nakorsaaneqarfiup ilanngullugu ilisimatitsissutigaa, Upernavimmi ataaseq Nuummilu marluk maannakkorpiaq napparsimmavimmi uninngasut. Nuummi tunillatsissimasoq ataaseq sapaatip-akunnerata naanerani unitsinneqarsimavoq, marlullu allat angerlartinneqarsimallutik. Aasianni napparsimasoq ataaseq sapaatip-akunnerata naanerani unitsinneqarsimavoq, angerlartinneqareersimallunili.