Tunillatsissimalluni illoqarfimmiissimasoq mattumasimaqquneqartoq

Nuummi angut ataatseq coronavirusimik tunillatsissimalluni nalunngikkaluarlugu illoqarfimmut fiisteriarsimavoq.

Nappaalanersuaqarneranut ataatsimiititaliaq innuttaasunik mattusimaqqusinissamut nappaalasoqarneranut inatsimmi periarfissanik siullermeerluni atuisimavoq.

Politiit naapertorlugit Nuummi angut ataaseq coronavirusimik tunillatsissimalluni nalunngikkaluarlugu illoqarfimmut fiisteriarsimasoq mattusimaqquneqarsimavoq.

Kalaallit Nunaanni Politiit pigaartuisa pisortaat Brian Thomsen taamatut oqaluttuarpoq:

Pinngitsaaliissumik mattusimatinneqarsinnaasoq

- Illoqarfimmukarsimavoq tunillatsissimaninilu soqutiginagu.

- Nappaalanersuaqarneranut ataatsimiititaliap tamanna aalajangersimavaa, uagullu politiit angut mattusimaqqusaasoq nalunaarfigisimavarput, Brian Thomsen oqarpoq.

Tallimanngormat angut pineqartoq mattusimaqquneqarsimavoq, peqqussullu unioqqutissaguniuk pinngitsaaliissummik mattusimatinneqarsinnaalluni.

Powered by Labrador CMS