Skip to main content

Tunillatsinnisamut ernumasoq: Atassummiutoqaq sulinngiffeqarpoq

Covid-19-imut tunillatsissaguni navianartorsiulersinnaanini pissutigalugu Siverth K. Heilmann Inatsisartunit sulinngiffeqarniarluni aalajangerpoq. Bentiaraq Bendtsen Ottosen sinniisuussaaq.

67-nik ukiulik Siverth K. Heilmann Inatsisartuni sulinngiffeqarniarluni sisamanngormat aalajangerpoq, Maniitsumullu angerlarallarluni.

Atassutip allattoqarfia Sermitsiaq.AG-mut nalunaarpoq.

- Una ukiakkut Inatsisartut ataatsimiinnerat sinnera tamaat sulinngiffeqarallassaaq, ilisimatitsissutigineqarpoq.

- Siverth K. Heilmann siorna annertuumik napparsimarujussuarnikuunera pillugu suli nakorsaatitorpoq, qaavatigullu utoqqaanini pillugu coronamut risikogruppimiikkami, ulorianarpallaalermat sulinngiffeqarallassalluni aalajangerpoq, Atassutip allattoqarfia nalunaarpoq.

Bentiaraq Bendtsen Ottosen sinniisutut Inatsisartuni ataatsimeeqataassaaq.

- Taanna sisamanngorpat nunatsinnukassaaq, ullullu tallimat karantæneriarluni sisamanngorneq 5. november Inatsisartuni aallartissalluni, ilisimatitsissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER