Skip to main content

Tuluit siunnersuisarfiata aqquserniornissaq misissoqqissaassavaa

Tuluit siunnersuisarfiat arlaannaanulluunniit attuumassuteqanngitsoq, Oxford Global Projects, Sisimiut Kangerlussuullu akornanni aqquserniornissamut naatsorsuillunilu misissueqqissaassaaq.

Suliniutigineqartussamut atatillugu tuluit siunnersuisarfiat arlaannaanulluunniit attuumassuteqanngitsoq, Oxford Global Projects, aqquserniornissamut naatsorsuisussatut misissueqqissaartussatullu toqqarneqarpoq. Siunnersuisarfik attaveqaatinut suliniutissat nalilersortarneranni suliatigut immikkut ilisimasaqarnermigut nunani tamalaani ataqqisaavoq.

Siunnersuisarfik aqquserniornissamut naatsorsuillunilu misissueqqissaassaaq, Namminersorlutik Oqartussat tusagassiorfinnut nalunaaruteqarlutik allapput.

- Misissueqqissaarneq immini 2021-p aallartinnerani naammassineqartussatut naatsorsuutigineqarpoq, kingornalu aqquserniornissamut suliassaq inaarutaasumik aalajangiinermut ilanngunneqassalluni, nalunaarummi allassimavoq.

10 millioner koruunit suliassamut immikkoortinneqarsimasut

Siunnersuisarfiup sulinissaanut suleqatigiissitaq Aningaasaqarnermut Naalakkersuisoqarfimmit, Ineqarnermut Attaveqaqatigiinnermullu Naalakkersuisoqarfimmit, Inuussutissarsiornermut Suliffeqarnermullu Naalakkersuisoqarfimmit, Qeqqata Kommunianit sinniisuutitaqarfiusoq ikiuutissaaq, najukkamilu inuussutissarsiornermut soqutigisallit Arctic Business Circlemit sinniisuutitaqartut aamma ikiuutissallutik. 

Kangerlussuup Sisimiullu akornanni aqquserniorneq inuiaqatigiinnut akilersinnaanersoq misissortinniarlugu aamma aqquserniornermi aningaasartuutissat nalilerniarlugit 2020-mi fem millioner koruuninik Inatsisartut immikkoortitsisimapput. Qeqqata Kommunia aningaasat pineqartut annertoqqataannik aamma immikkoortitsisimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER