Tuluit Nunaata aamma EU-p brexit hallowwenimut kinguartippaat - kingusinnerpaamik
Tuluit premierministeriata EU-mi nunat sinnerisa brexitip oktobarip 31-ata tungaanut kinguartinneqarnissaanik neqeroorutaat akueraa.
Tuluit Nunaata aamma EU-p brexit ukiamut kinguartissallugu marlunngornerup unnuaani isumaqatigiissutigaat.
Tuluit naalakkersuisui taamaallillutik avinnissamut isumaqatigiissummik inatsisartuni amerlanerussuteqartunik katersuutsitsinissamut piffissaqarnissaat, tassani anguniarneqarpoq.
- EU-mi nunat unnummut isumaqatigiissutigaat allanngorsinnaasumik oktobarip 31-annut sivitsorneqarnissaa, EU-mi præsidenti Donald Tusk, tusagassiortunik katersortitsinermi oqarpoq.
Unnuap qeqqata qaangilaarnerani nunani 27-ini naalagaaffimmi aamma naalakkersuisuni aqutsisut EU-miiginnartussat ulloq isumaqatigiissutigaat.
Kingorna tuluit premierministeriat, Theresa May, illumut uterpoq, tassanilu Tusk ataatsimeeqatigaa. Præsidentip marlunngornermi unnuakkut ataasinngulersoq May tikilluaqquaa.
- Brexitip oktobarip 31-annut sivitsorneqarnera tulluarpoq, tamatumami Tuluit Nunaat aqqutissamik nassaarnissamut periarfissimmagit, Maltami premierministeri, Joseph Muscat, ataatsimiinnerup kingorna taama oqarpoq.
Illuatungeriit suliap ingerlanerani juunimi ataatsimeersuarnermi pilersaarutaasumi qiviaqqinneqarnissaa isumaqatigiissummi ilaatinneqarpoq. Ataatsimeersuarnermi diplomatit tusarfiit tamanna uppernarsarpaat.