Tuluit Nunaannut isumaqatiginninniarnissaq akuerineqartoq
Naalakkersuisut Tuluit Nunaannik niueqateqarnissamik isumaqatigiissutissamut isumaqatiginninniarnissap aallartinneqarnissaanut, Nunanullu allanut Naalakkersuisoqarfiup Tuluit Nunaanni ministeeriaqarfimmut akisussaasumut niueqateqarnissamut isumaqatigiissutissatut missingiummik nassiussinissaanut akuersisimapput.
Tuluit Nunaata (UK – Kunngeqarfik Irlandilu Avannarleq) EU-mit aninerata kingorna nunamik niueqatigiinnissamut isumaqatigiissutissaq Kalaallit Nunaannit ulapputigineqarpoq, suliamullu atatillugu alloriaqqittoqarluni.
Naalakkersuisunimmi akuerineqarsimavoq, Tuluit Nunaanni naalakkersuisunut allakkamik nassiussisoqassasoq, niueqatigiinnissamut isumaqatigiissuteqarsinnaanermut isumaqatiginninniarnermik aallartitsinissamik kaammattuutitalimmik.
Naalakkersuisut oktobarip 16-iani ataatsimiinneranni akuersissut tunniunneqarpoq, aamma Nunanut allanut Naalakkersuisoqarfiup niueqatigiinnermi isumaqatigiissutissamut missingiummik Tuluit Nunaanni ministeeriaqarfimmut akisussaasumut nassiussinissaanik Naalakkersuisut akuersissuteqarput.
Naalakkersuisoqarfik ikiorserneqassasoq
Naalakkersuisoqarfik aamma isumaqatigiissutissaq pillugu nunamik isumaqatiginninniarnermik aallartitsinissamut akuerineqarpoq:
-Tuiluit Nunaata Kalaallillu Nunaata niueqatigiinnermi nutaamik isumaqatigiissuteqarnissaannut pitsaanerpaamik angusaqarniarluni isumaqatiginninniarnermi naalakkersuisoqarfiit immikkoortortaqarfiillu suliamut attuumassuteqartut ikiuutissapput, Naalakkersuisut ataatsimiinnerannit imaqarniliami allassimavoq.
Niueqatigiinnermmi isumaqatigiissutissap isumaqatiginninniutigineqarnera iluatsinneqanngippat, Kalaallit Nunaanni aalisakkanit tunisassiat Tuluit Nunaannut tunineqartut ukiortaamiit akitsuuserneqartalersinnaapput.