Skip to main content

Tuluit Nunaanni illuatungiliuttut brexit pillugu isumaqatigiissut itigartikkaat

Boris Jonhsonip brexit pillugu isumaqatigiissut nutaaq nunamini akueritinniarnera ajornartorsiutigissannguatsiarpaa.

Brexit pilugu isumaqatigiissutissatut nutaatut siunnersuut tamanut saqqummiunneqarnerani minutsialuit qaangiutiinnartut tuluit nunaanni illuatungiliuttut isumaqatigiissummik itigartitsipput.

Illutungiliuttut partiiani Labourimi siuttoq Jeremy Corbyn isumaqarpoq, ministeriuneq Boris Johnson isumaqatigiissuteqarsimasoq, ministeriunerusimasup Theresa Mayip isumaqatigiissutigisaanik, tuluit inatsisartuinit itigartinneqarsimasumit ajornerusumik.

- Takusinnaasara naapertorlugu Johnsonip isumaqatigiissutaa Theresa Mayip isumaqatigiissutaanit ajorneruvoq. Isumaqatigiissut pisinnaatitaaffitsinnik, illersugaanitsinnik peqqinnissatigullu aaqqissugaanitsinnik ajornerulersitsisussaavoq. 

- Isumaqatigiissutip nuna ataatsimoortilernavianngilaa itigartinneqartariaqarlunilu, Corbyn Twitterikkut allappoq.

Peqatigitillugu Tuluit Nunaanni naalakkersuisut, Nordirlandimi partiip tapersersortaata isumaqatigiissummut naaggaarniarluni siusinnerusukkut nalunaarutigisimasani attatiinnarpaa.

EU-p Tuluillu Nunaata isumaqatigiissutissaattut nutaatut siunnersuut, EU-p brexit pillugu isumaqatiginninniartuata Michael Barnierip sisamanngormat ullaap tungaani Bruxellesimi saqqummiuppaa.

Tuluit Nunaanni partii, Liberaldemokraterne, brexitip atorunnaarsivinneqarnissaanik sorsuuteqartoq isumaqatigiissummik isornartorsiuingaatsiarpoq.

- Boris Johnsonip isumaqatigiissutaata aningaasaqarnerput, kiffartuussivigut avatangiiserpullu ajoqusissavai, Liberaldemokraatit siuttuat, Jo Swinson, Sky News naapertorlugu oqarsimavoq.

Illuatungiliuttut isumaqatigiissummik nutaamik itigartitsinerisigut, Tuluit Nunaanni ministeriunerup Boris Johnsonip isumaqatigiissut tuluit inatsisartuinut akueritinniarnera ajornartorsiutigissannguatsiarpaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER