Skip to main content

Tuluit kalaallit avammut tunisinerat qaffasissunik akileraarusersulerpaat

Nunatsinni aalisakkanik avammut tunisassiat, Danmark aqqutigalugu Tuluit Nunaannut tunineqartartut, tunineqartarnernerat ilungersunartumik inissisimalerpoq. Danskit avammut tunisinermut isumaqatissarsiornermullu kattuffiata Kalaallit Nunaata avammut tunisassiortui ikiorniarsarai.

Nunatsinni aalisakkanit tunisassianik avammut tunisisarneq annertooq, Tuluit Nunaata aamma EU-p niueqatigiinnermut isumaqatigiissutaata atuutilernerata kingorna, ukioq manna januaarip aallaqqaataa aallarnerfigalugu akileraarummik qaffasissumik eqqorneqarpoq.

Aviisi Sermitsiaq taama allappoq.

Raajat qalatat qalipaajakkat assersuutigalugu Royal Greenlandimeersut Polar Raajaneersullu avammut tunineqartarnerat iluanaaruteqarluarfiusoq, ilaatigut 20 procentinik akileraarusersorneqalernera tamatuma kinguneraa.

- Kalaallit danskillu suliffeqarfiinut, kalaallit nioqqutissaataannik Tuluit Nunaannut tunisisartunut ajornartorsiuterujussuuvoq, pisortaq Poul Meldgaard Jensen, Danish Seafood Associationimeersoq oqarpoq.

Kattuffiup ilaasortai Danmarkimi suliffeqarfiit aalisakkanik tunisassiornermik avammullu tunisinermik suliaqartut, kalaallit avammut tunisassiortut ikiorniarlugit suliamut ilanngupput.

Suliffeqarfiit aalisarnermik suliaqartut danskit oqartussaannut kiisalu nunani tamalaanit tusagassiorfinnut isumaasa nukittuumik inissisimanissaannik Danish Seafood Association siunertaqarpoq. Kattuffik ilaasortaminut sulianut ataasiakkaanut aaqqiissuteqarnissamut ikiuisarpoq.

Aviisimi Sermitsiami allaaserisaq tamaat atuaruk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER