Tullliani Island Gamesertoqarnissaa ullulerneqartoq

Timersornissamut aaqqissuussisut tulliani unammersuaarnissat qaqugu ingerlanneqassanersut ullulersimavaat.

Island Games qeqertami Guernseymi 2023-mi juulip arfineq-pingajuaniit 14-ianut ingerlanneqassapput.

Unammersuaarnissanut aaqqissuussisut tusagassiorfinnut nalunaaruteqarlutik taamatut allapput.

- 2023-mi aasakkut timrsornermi soqutiginartumi pisussanut qilanaalereersinnaanerput nuannaarutigaara, Guernseyllu unammersuaarnissat ingelanneqarnissaannik unammersuaartarnerullu pingaarutillip taassuma attatiinnarneqarnissaanik qulakkeerinnissimaneranik qutsavigerusupparput, Island Gamesimi siulittaasoq Jorgen Petersson tusagassiorfinnut nalunaaruteqarnermi oqarpoq.

Island Games Guernseymi ukioq manna ingerlanneqartussaangaluarpoq, aaqqissuussarli coronap tuniluunnera pissutigalugu aaqqissuisut taamaatiinnartariaqarsimavaat.

Kingullermik Island Games 2017-imi Gotlandimi ingerlanneqarpoq, tassani kalaallit timersortartut arfinilinnik medaljenik ujaminnapput.

Powered by Labrador CMS