Tukuma annikitsumik ajoqusilaarsimasoq iluarsaanneqartoq
RAL-ip umiarsuaataa Tukuma Arctica timitamigut annikitsumik ajoqusilaarsimavoq. Ajoquserneri umiarsuup sapaatiuppat unnukkut Aarhusimut ingerlaqqinnginnerani iluarsaanneqassapput.
Tukuma Arcticap pituutarsuisa tallimanngormat unnukkut sakkortuumik anorersuarnerani kittorarnerisigut umiarsuaq Torshavnip umiarsualiviani sanneqqalluni inissisimareerluni sapaammi ullaap tungaani kalinneqarluni talittarfimmut utertinneqarpoq.
Ulloq manna siusinnerusukkut Sermitsiaq.AG-mit oqaluttuarineqarpoq, aqqartartut umiarsuarmik misissuisimasut, annertuumillu ajoqusersimaneranik nassaarsimanngitsut.
Men i en pressemeddelelse oplyser Royal Arctic Linelli tusagassiorfinnut nalunaaruteqarnermi ilisimatitsissutigaa umiarsuup ingerlaqqinnginnerani timitaani ajoqusernerit annikitsut suliarineqassasut.
- Tukuma Arcticami ajoqusernerit annikitsuupput. Iluarsaassinerillu pilersaarutit malillugit ingerlassappata Tukuma Arcticap Aarhusimut sapaammi unnukkut ingerlaqqissinnaanissaa naatsorsuutigineqarpoq, usilersorneqareerpat iluarsaassinerillu naammassineqareerpata, Royal Arctic Line allappoq.
Umiarsuaatileqatigiiffiup maanna suliarineqartut naammassineqariarpata Torshavnimiillu qaqugu aallarnissaq paasinarseriarpat, angalanissamut pilersaarut nutartigaq nassiunniarpaa.