Trumpip tikeraarnissaa: Issittoq pillugu oqaloqatigiittoqalerpat Kalaallit Nunaat ilanngunneqassaaq

Ullormut oqaluuserissaniittoq Issittoq aallaavigalugu naalakkersuisut siulittaasuata, Kim Kielsenip præsidentip septembarip aappaanni pingajuannilu kunngeqarfimmi tikeraarpat naapinnissaanut qaaqquneqarsimavoq.

Namminersorluni oqartussaanermi inatsimmi allaqqavoq nunanut allanut tunngasuni nunarput ilaappat Naalakkersuisut ilanngunneqartassasut,

Naalakkersuisut siulittaasuata naalakkersuisoqarfiani pisortaq, Hans-Peder Barlach Christensen Sermitsiaq.AG-mut oqarpoq Issittumi sillimaniarnikkut politikki præsidenti Trumpip statsministerillu Mette Frederiksenip oqaluuserisassanniittut nalunaarutigineqarmat Statsministeriap tassuuguinnavik nammineq qaaqqusisimanera nuannaarutissaasoq.

Namminersorlutik Oqartussat septembarip aappaanni ataatsimiinnissap saniatigut suli ataatsimiinnissamut paasissutissanik allanik pissarsisimanngillat.

Statsministeria aamma nalunaarpoq tikeraartoqarnissaanut programmi suli aaqqissuunneqanngitsoq.