Trumpip Mette F. "isumatusaartumik" oqaloqatigaa

Naalakkersuisut siuttuisa taakku marluk akornanni suleqatigiinnerup ineriartorteqqinnissaanik pisariaqartitsineq oqaluuserineqarpoq.

USA-p præsidentiata Donald Trumpip uani sapaatip-akunnerani Danmarkimut tikeraarnissani taamaatikkaluaraa, Danmark aamma USA ataqatigiilluarput.

Pisortatigoortumik tikeraarnissap taamaatinneqarnerata kingorna, ministeriunerup Mette Frederiksenip Kalaallit Nunaannut tikeraareerluni pingasunngormat tusagassiorfiit siullermeerluni naapeqqikkamigit tamanna arlaleriarlugu oqaatigaa.

Donald Trump aamma ministeriuneq Mette Frederiksen oqarasuaatikkut oqaloqatigiimmata, Danmarkip aamma USA-p qanimut attaveqarnerat uppernarsarneqarpoq.

Isumatusaartumik oqaloqatigiinneq isumatusaarluni pisoq, naalagaaffiup ministeriaqarfia ilisimatitsivoq, tassani nuna siuttuisa ilaatigut suleqatigiinnerup aamma nunap isumannaatsuunissaanik politikkikkut unammilligassat ineriartorteqqinnissaanut pisariaqartitsineq oqaloqatigiissutigaat.

Danmark ukiorpassuarni USA-mit siuttuuffigineqartuni suuliaqarneranni sakkutuunik ilaatigut Irakimt aamma Afghanistanimut aallartitsinermut tunngatillugu suliaqarnerpaat ilagaat. Taamaattumillu ilaatigut Donald Trumpip taamaatitsinera danskit politikeriinit partiinit illuatungeriinnit tamanit sakkortuumik isornartorsiorneqarpoq.

Tikeraarnissaq piffissaligaanngitsumik kinguartinneqarnera, Mette Frederiksenip ”uggoralugulu tupaallaatigalugu” oqaatigaa.

Powered by Labrador CMS