Trump Kalaallit Nunaannut iluaqutaava?
Amerlasuut uppererpasinngivippaat præsidentip Kalaallit Nunaat pisiariniarlugu isumaliorsimammat. Trumpili aamma iluaqutigineqalersinnaava? Aap, tupaallartumik politikerit takornarialerisullu oqarput.
Kalaallit Nunaanni nammineq nunaatissamik pisisoqarsinnaanngilaq. Tamanna inatsisaavoq. Nunali tamaat pisiarineqarsinnaava? Apeqqut taanna Donald Trumpip – aputitut ammalortutut sisoorninngortutut – nunarsuarmi tusagassiorfinni sammisorujussuanngortissimavaa.
AG allappoq.
Kalaallit Nunaat siusinnerusukkut nunarsuarmi tusagassiorfinnit taama sammineqartigisimanngisaannarsimavoq. India Today-mit Sydney Morning Herald-imut, Le Figaro-mit China Daily-mut, aap Nunarsuarmi nutaarsiassaqartitsivinni tamangajanni oqaluttuaq sammineqarsimavoq. Googlemi »Trump, Greenland« ujaraanni taanna 117.000-init alakkarneqarsimavoq.
Nutaarsiassaq aallaqqaammut ilaannit, assersuutigalugu ministeriunerusimasumit Lars Løkke Rasmussenimit salloqittaavimmi salloqittaatitut oqaatigineqarpoq. Kingorna Donald Trumpip New Jerseymi tusagassiortunik katersortitsinermi uppernarsarpaa, oqarneratut »pigisamik niuerneq«, oqaloqatigiissutigineqarsimasoq:
– Oqaloqatigiissutigiinnarsimavarput. Pingaarnerusutut Danmarkip pigaa. Danmarki iligilluartorujussuuvarput. Danmark illersorparput, soorlu nunarsuup ilarujussuanik illersuisugut. Taamaattumik tamanna qaqinneqarpoq, oqarpungalu inissisimaffini pissutigalugu sakkutooqarnikkut soqutiginaateqartoq, soqutiginnissinnaasugullu, Trump taamani oqarpoq.
Allaaserineqartoq aviisimi AG-mi, aqagu saqqummertussami, tamakkiisumik atuarneqarsinnaavoq. Aviisi uani pisiarineqarsinnaalereerpoq: