rubinit
True North Gems rubininik tuniniaasuusinnaavoq
LNS Greenlandip sanaartornerit naammassinialeruttorpai Aappaluttumi rubininik tunisassiorneq aallartinniarlugu. Imaassinnavoq True North Gems rubininik tuniniaasunngussasoq
True North Gems Greenlandip (TNGG) akiliisinnaajunnaarnerata kingorna ullut qulingiluaannaat qaangiuttut nalunaarutigineqarpoq akiliisinnaajunnaartup pigisai Leonhard Nilsen & Sønner Greenland A/S-imit (LNSG) pisiarineqarsimasut.
LNSG pigineqarpoq Norgemi LNS-imit (90 procentimik) Greenland Venturemillu (10 procentimik).
TNG oqaloqatigaat
LNS-ip ineriartortitsinermut pisortaa Gunnar Moe aviisimut Sermitsiamut oqarpoq rubininik tuniniaanissaq pillugu TNG oqaloqatigigitsik.
– TNG ataavartumik oqaloqatigaarput, ilaatigut rubininik tuniniaanissamik. Allanillu aamma oqaloqateqarpugut, Gunnar Moe oqarpoq, taassumalu naatsorsuutigaa kalaallit rubinii siulliit 2017-imi kvartalimi siullermi tuniniarneqalissasut.
Oqaluttuaq tamaat Sermitsiami sapaatip akunnerani saqqummersumi atuaruk, aviisilu ullumi pisiniarfinni pisiarisinnaavat. Aviisi aamma pisiarisinnaavat uani: