triaton

Triatletertartoq DM-imi peqataasoq

Jens Bjerge Københavnimi ironmanimi angusarissaareernerata kingorna, triatlonertartoq alla Danmarkimi pissartanngorniuteqataavoq

Christian Keldsen Island Gamesertoqarnerani assilineqartoq

Holbækimi triatlonimik Danmarkimi pissartanngorniuttoqarnerani nuummiu Christian Keldsen peqataavoq. Pissartanngorniunnermi 750 meterini nalupput, 20 kilometerini sikkilerlutik kiisalu kilometerini tallimani arpallutik.

Unammeqataanermini ukioqatimini (40-nit 44-nut ukiulinnut) arferngattut inissippoq.

Ajoqquseqqanikuusimanini pissutigalugu kigaatsumik arpassimalluni Christian Keldsen oqarpoq.

- Nalunnermi sikkilernermilu siullersaagaluarpunga, taamaattumik arpannermi sukataaraluaqaanga. Naak minutsit 20-t ataallugit arpakkaluartunga, 2014-misut sukkatsigisumik arpanngilanga. Angusarali nuannaarutigeqaara, oqarpoq.

Powered by Labrador CMS