Skip to main content

Transparency: Siulersuisut pillugit ammanerusoqarli

Ingerlatseqatigiiffinni pisortat pigisaanni siulersuisunut ilaasortat qanoq toqqarneqartarneri pillugit ammanerusoqarnissaa Transparency International Greenlandip innersuussutigaa.

Ingerlatseqatigiiffinni pisortanit pigineqartuni siulersuisunut ilaasortanik toqqaasarnermut tunngatillugu ammanerusoqarnissaanik Transparency International Greenland (TIG) ujartuivoq. Nalunaarusiami TIG-p saqqummersitaani tamanna atuarneqarsinnaavoq.

- Namminersorlutik Oqartussat suliffeqarfinnik pitsaasumik aqutsinissamut maleruagassiaminn i allappaat piginneqatigiiffiutiminni siulersuisunut ilaasortassanik toqqaasarnerit ammasunik erseqqissunillu sinaakkuteqartumik ingerlanneqartut, uagullu 2012-imiilli avammut ersittumik suleriuseqartoqarnissaa ujartugarivarput, nalunaarusiap tunuliaqutaa pillugu TIG taama allappoq.

Kommuneqarfik Sermersuumi aamma Namminersorlutik Oqartussat siulersuisunut allattoqarfiani siulersuisunik toqqaaniarnermi periutsit TIG-p misissorpaa, tamannalu tunuliaqutigalugu ammanerunissamut kajumissaaruteqarpoq.

Piginnaasat pillugit ammaneruneq

Ingerlatseqatigiiffiit tamarmik ataatsimut isigalugu siulersuisuni piginnaasat sorliit pigineqarnissaat tamanit takuneqarsinnaanissaa – kiisalu siulersuisunut ilaasortat ataasiakkaat qanoq tunniussassaqarnersut, TGI-p innersuussutigaa.

- TIG siunnersuuteqarpoq, siulersuisut piginnaaneqarfigisassaattut kissaatigisat, piginneqatigiiffiup nittartagaani takuneqarsinnaasuussasut minnerpaamik siammasissumik isigineqarsinnaasutut allallugit aammalu kissaatigineqarluni takuneqarsinnaassasoq suut siulersuisunut ilaasortaasut ataasiakkaat piginnaaneqarfigisassaattut kissaatigineqartut iluini kikkut naleqquttuunersut.

- Piginneqatigiiffiup ingerlatsilluarnissaq pillugu nalunaarutaani ilaatinneqartariaqarpoq piginnaaneqarfigisanik pingaarnersiulluni tulleriiaarinertut takussutissiaq aammalu nassuiarneqarluni piginnaaneqarfigisassatut kissaatigineqartut ”putui” qanoq immerneqarlutik matuniniarniarneqartut.

Nunanut allanut isumassarsiorfeqarnissaq, TIG-mit innersuussutigineqarpoq, soorlu svenskit naalagaaffiata piginneqatigiiffittut pigisai pillugit ukiumut nalunaarusiami toqqaasarnernut atatillugu naatsumik paasiuminartumillu nassuiasiortoqartoq.

Nalunaarusiamut misissuineq 2017-imi ingerlanneqarpoq. Tamatuma kingorna TIG-p Naalakkersuisut, Kommuneqarfik Sermersooq, Siulersuisoqarnermut allattoqarfik aamma suliffeqarfiit oqaloqatigalugit ataatsimeeqatigaa. Tamakku tunuliaqutigalugit nalunaarusiaq nutarterneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER