Skip to main content

Transparency nutaamik siulittaasortaarpoq

Aalisarnermut, Piniarnermut Nunalerinermullu Naalakkersuisoqarfimmi immikkut siunnersuisutut atorfeqartoq, Birita í Dali, Transparency International Greenlandimi siulittaasutut toqqarneqarpoq. Taamaasilluni Anita Hoffer paarlappaa

Transparency International Greenlandip ukiumoortumik ataatsimersuartitsinerani, 33-nik ukiulik Birita í Dali, siulittaasutut nutaatut toqqarneqarpoq.

Peqatigiiffik tusagassiutinut nalunaarpoq.

Siulittaasunngorlaaq Københavns Universitetimi cand.scient.pol-imik ilinniagarpoq Namminersorlutillu Oqartussat ataanni Aalisarnermut, Piniarnermut Nunalerinermullu Naalakkersuisoqarfimmi immikkut siunnersuisutut atorfeqarluni.

Siulersuisut nutaat

Anita Hoffer 2014-miilli siulittaasuusimasoq 2011-miilli ilaasortaasimasoq maannalu siulittaasut tulliattut ingerlaqqittoq taarserlugu siulittaasunngorpoq. Aammattaaq Anita Hoffer 2011-mi peqatigiiffimmik pilersitseqataavoq taamanililu siulersuisuni ilaasortaalluni. 

Qullersani taarseraanneq qulakkeerniarlugu peqatigiiffimmilu ammanerusumik periuseqarnissaq siunertaralugu qinigaaffinni tulleriinni marlunni qinigaasoqarsinnaanngitsoq peqatigiiffiup malittarisaani allassimavoq.

- Inuiaqatigiinni taamak mikitigusuni tamatta immitsinnut ilisimasariitsilluta pisortallu taamak annertutigitillugit inuillu ikittuinnaat pissaanermik tigummisaqartillugit ammasumik periuseqarnissaq pingaaruteqarluinnarpoq, tamannalu Transparency International Greenlandip nangillugu sulissutigerusuppaa, siulittaasunngortoq oqarpoq.

Naliginnaasumik ataatsimeersuarnerup kingorna siulersuisuni ilaasortat ukuupput:

  • Birita í Dali, Siulittaasoq, Namminersorlutik Oqartussani immikkut siunnersorti
  • Anita Hoffer, Siulittaasup tullia, atorfilinnut pisortaq, INI A/S
  • Dora Drechsel, Pisortaq Kalaallit Forsikring A/S
  • Klaus Kuch Jensen, Pisortaq, Greenland Oil Spill Response (ilaasortaq nutaaq)
  • Sara Olsvig, Phd-nngorniaq
  • Karen Heilmann Lennert, siunnersorti, Deloitte (ilaasortaq nutaaq)
  • Anja Rindom Bøndergaard, Inatsisartuni Ombudsmandimi inatsisileritooq (ilaasortaq nutaaq)

Sinniisut: Naaja Nathanielsen, Pinerluttunik isumaginnittoqarfimmi pisortaq aamma Christian P. Jerimiassen, namminersortoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER