Transparency Islandimi kusanaatsuliortoqareersoq: Pisassiissuteqartarneq misissorneqarli
Namibiami aalisagartassiissutit akiliilluni pequserluutigineqartarsimanerisa kinguneranik, Naalakkersuisut Kalaallit Nunaanni pisassiissuteqartarneq ajunngitsumik ingerlanneqarnersoq misissortariaqarpaat, Transparency Greenlandimi siulittaasoq taamatut isumaqarpoq
Islandip aalisakkeriveqarfiani peqquserluttoqarsimanerata kinguneranik Kalaallit Nunaanni pisassiissuteqartarneq misissorneqartariaqarpoq.
Transparency International Greenlandimi siulittaasoq Anita Hoffer aviisimut Sermitsiamut oqarpoq.
Islandimi peqquserluttoqarmat, aalisakkerivissuaq Sanmerji 100 millioner koruunit arlallit nalingannik ingerlatseqatigiiffimmut Namibiami politikkerit aqutaannut nuussisimavoq. Pasilliutiginearpoq, Samherji Namibiami aalisagartassanik pissarsiniarluni akiliilluni peqquserluuteqarsimasoq.
- Nunani avannarlerni allani Transparency International peqatigalugu suliaq malinnaarfigaarput. Isumqarpunga Naalakkersuisut pisassiissutinik tunniussisarnertik ammasumik ingerlanneqartarnersut misissortariaqaraat. Namibiami pisup matuma kinguneranik Kalaallit nunaanni susoqarsinnaanera eqqumaffigisariaqarparput. Oqanngilanga susoqarsimasoq. Imaassinnaavoq susoqarsimanngimmat iluatsitsiinnartugut, Anita Hoffer viisimut Sermitsiamut oqarpoq.
Samherjimi pisortaaneq, Þorsteinn Már Baldvinsson peqquserluuteqarsimanerup kinguneranik atorfimminnit tunuarsimavoq.