Skip to main content

Transparency: Atorfinitsitsineq ippinnartulik toqqissisimananngitsorlu

Carsten Frank Hansenimik atorfinitsitsinermik paasissutissat nutaat saqqummiunneqarnerisa kingorna, Transparency Greenlandip siulittaasuata Anders Meilvang-ip atorfinitsitsinerup ingerlasimanera isornartorsioqqippaa

Assuarineqaqisumik tusagassiorfitsigullu sammineqartorujussuarmik Aningaasanut Nunallu Iluanit Pissutsinut Naalakkersuisoqarfimmi pisortanngoraluartumik Carsten Frank Hansenimik atorfinitsitsineq taassumalu tunuarneranik oqaluttuaq sisamanngormat Berlingske-mi kapitalimik allamik ilaneqarpoq.
Tassani Carsten Frank Hansenimik atorfinitsitsinerup ingerlarnganik paasissutissat nutaat kingorna Transparency Greenlandip siuittaasua Anders Meilvang oqarmat Carsgten Frank Hansenimik atorfinitsitsinerup qanoq ingerlasimanera ippinnartoqarlunilu toqqissisimananngitsoq.
Berlingske-p paasissutissiissutigaa sulisussarsiuussisarfik Ramsdal, Carsten Frank Hansen isumaqatigereerlugu tassunga oqaaseqaatinik ilaatigut Inatsisartut siulittaasuannit Lars-Emil Johansenimit, Siumut, aamma peqqissutsimut attaveqarnermullu Naalakkersuisumit Steen Lyngemit, Atassut, piniarsimasoq.
Tamatuma saniatigut Ramsdal Andelskassen Fyn-imi Carsten Frank Hansenip pisortarisimasaanit marlunnit sullitarisimasaanillu marlunnit oqaaseqaatinik piniarsimavoq, taakkualu ilagisimavaat aningaaseriviup sinniisuaneersoq (repræsentantskab), Ramsdalip pisortaanera Karl-Erik Nielsen qallunaat aviisiannut oqarpoq.
Svend Hardenbergip Carsten Frank Hansen inassutigisimavaa
Carsten Frank Hansenip atorfinitsitaanissaa sioqqullugu namminersorlutik oqartussani atorfinitsitsinermut ataatsimiititaliami siulittaasoq, Siulittaasup Naalakkersuisoqarfiani pisortaq Svend Hardenberg mail-ikkut ilaatigut ima allappoq: "Tusarsimavara Carsten Frank Hanaen soqutiginnittoq. Taanna maanna Greentop ApS-imi pisortaaneruvoq piginnittuullunilu aammalu Danske Andelskassers Bankimi immikkoortoqarfimmi pisortaasimalluni (ukiuni 5-ni qaammatinilu 7-ini), kiisalu Sydbankimi atuisunut inuussutissarsiortunut pisortaasimalluni (ukiuni 3-ni qaammammilu ataatsimi). Kalaallit Nunaannut uternissaminut soqutiginnippoq.
Atuaruk: "Sulisissuarsiuussisarfiup suliaa Hardenbergip isornartorsiorpaa"
Transparency Greenland: Ileqqut ileqqorissaarnissarlu pineqarput
Svend Hardenbergip saaffiginninnera uissuumminartoq, paasissutissat nutaat aammalu Carsten Frank Hansenimik mamianartuliap tusagassiorfitsigut oqaluttuarineqarnerata kingorna aammalu Ramsdalip naammaginartumik Carsten Frank Hansenimik paasisaqarsimannginneranik Hardenbergip pisuutitseqattaarnera pillugit Transparency Greenlandip siulittaasua Anders Meilvang Berlingske-mut imatut oqarpoq:
– Matumani ileqqut iloqqorissarnissarlu pineqarput. Inuk piginnaasalik Hardenbergip tikkuarpagu isumaqarpunga ajornartorsiutissaqanngisoq sulisitsisup qinnutigippagu taasuma qinnuteqartunut ilaatinneqarnissaa. Angulli taanna (Carsten Frank Hansen, aaqqiss.) ersarivissumik aningaasanut naalakkersuisoqarfimmi suliassanik piginnaasaqanngimmat, piginnaasaali tassaammat siumukkormiunik ilisarisimasaqarnini Siumumullu eqqortumik atttuumassuteqarnini, soorunami eqqortuunngilaq Hardenberg sulisussarsiuussisarfimmut saaffiginnimmat, taanna atorfinitsitsinermut ataatsimiititaliamut piukkunnartutut isigiteqqullugu, eqqartuussissuserisoq Anders Meilvang oqarpoq, isumaqarporlu politikerit nuimasuut suliassamut isummertarnerat atorfinitsitsinermut ataatsimiititaliamik sunniisarnissaannut ulorianartoqartoq.
Berlingske-p pingasunngormat allaaserisaq Svend Hardenbergimut saqqummiummagu taanna qisuarianngilaq.
Sermisiaq.AG-p Svend Hardenberg oqaaseqartinniarsarissavaa.
Berlingskemi allaaserisaq tamaat atuaruk uani
Carsten Frank Hansenimik mamianartuliaq pillugu Sermitsiaq.AG-p allaaserisai tamaasa atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER