ujakkaarnermi oqilaniunneq

Tour De Ski Nuuk ingerlanneqarmat aappariit Slettemark angusarissaarluartut

Uiloq Slettemark arnani oqilaniunnerit katinneranni ajugaavoq angutinilu Øystein Slettemark katinneranni ajugaalluni

NSP NSP NSP NSP NSP NSP

Tour De Ski Nuuk 2014 aappariinnut Slettemarkikkunnut angusarissaarfiuvoq. Arnat unammineranni tamat katinneranni Uiloq Slettemark ajugaavoq angutillu aamma unammineranni tamat katinneranni Øystein Slettemark ajugaasuulluni.

Ujakkaartartut NSP-ip ukiut tamaasa ingerlanneqartartoq Tour De Ski Nuuk pingasunngornermit sapaat ilanngullugu aaqqissuuppaat.

Majuartaatip eqqaanit Quassussuup ataanit ujakkaarluni unamminerit ullut kingullianni sapaammi aallartinneqarpoq, unamminerlu Quassussuup qaavani naammassilluni. Angutini Claus K. Jørgensen unammiffimmi sapaammi ajugaavoq arnanilu Uiloq Slettemark ajugaalluni.

- Majuartaammi sulisut Sisorarfiit ulluni unammiffiusuni sisamani annertuumik sulipput. Sapaammi unamminermi qujanartumik peqataasuni orlusoqarnanilu aportoqanngilaq, naak ujakkaarluni unamminermi sisupiloortoqarlunilu snowboardertoqaraluartoq, NSP sinnerlugu Poul Petersen oqarpoq.

Angusat nsp.gl-imi Facebook/nsp-milu takuneqarsinnaapput.

Powered by Labrador CMS