Skip to main content

Torrak! Kalaallit futsalimi Danmark ajugaaffigaat

Nordic Futsal Cup-imi unamminermi Kalaallit Nunaat aamma Danmark unammimmata kalaallit ajugaapput

Kalaallit Nunaata Danmarkillu unamminerat naammassiliivissoq Nikki Petersen isertitsivoq, Kalaallit Nunaat ajugaatillugu 4-3-mik.

Taamaasilluni Kalaallit Nunaat Danmarkimut ajugaapput Nordic Futsal Cup-imi, Finlandimi ulluni makkunani ingerlanneqartumi.

Unammisut naligiittut

Unamminerup aallartinnerani kalaallit 1-0-imik siuarput, Søren Kreutzmann isertitsisuulluni. Muminnginnermili danskit 1-1-mik isertitsillutik.

Danskit unammisartui mumereernermi aallartilluarnerupput, 1-2-mik siuaqqaaramik. Taamaattoq kalaallit tunniutiinnanngillat, Søren Kreutzmann isertitseqqimmat - sivitsunngitsorlu Frederik Funch isertitsisuulluni - kalaallit 3-2-mik siuartillugit.

Pissanganavissumik unammineq naammassivoq

Taamaattoq danskit nunanut allanut unammisartui isertitseqqipput, unamminerup naammassilerneranni unammisut tamarmik pingasoraaqqallutik. 

Kalaallit arsaq paaraat unammisut naammassiliivissut, unamminerup naammassinissaanut sekundialunnguit amigaataasut Nikki Petersen isertitsivoq kalaallit ajugaatillugit.

Nordic Futsal Cup-imi kalaallit kingullermik ajugaapput 2016-mi, taamani Norgemut 4-3-mik ajugaapput. 

Nordic Futsal Cup-imi ukioq manna ingerlanneqartumi kalaallit pingasoriarlutik ajorsarput ataaseriarlutillu ajugaallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER