futsal
Torrak! Futsalertartut Nordic Cupimi Norgemut ajugaasut
Kalaallit futsalimi nunanut allanut unammisartuisa Norge 4-3-mik Sverigemi unamminerminni ajugaaffigaat
Annonse
Futsalimi nunanut allanut unammisartut Norgemiut Nordic Cupimi, ulluni makkunani Sverigemi ingerlanneqartumi ajugaaffigaat.
Kalaallit Nunaat unamminermi 4-3-mik ajugaavoq.
Atuaruk: Futsalertartut unamminermi siullermi ajorsartut
Danmark aqagu unammissagaat
Unamminerup immikkoortuani siullermi kalaallit 1-0-mik siuaqqapput. Kalaallit isertitsisut tassaapput Markus Jensen, Nikki Petersen kiisalu Niklas Tholeifsen, Norgemiullu imminut ataatsimik isertitsitsiffigipput.
Nunanut allanut unammisartut pissartanngorniunnermi pingajussaanik unamminermi arfininngorpat Danmark unammissavat. Nunatsinni nalunaaqutaq malillugu 9.00 aallartissaaq.