Skip to main content

Torben M.: Qanoq ingerlariaqqissaagut?

Mittarfiliornissat pillugit Aningaasaqarnermut Siunnersuisoqatigiit sammisaqartitsipput ullumi arfininngornermi. Mittarfinnik sanaartortoqassaaq, tassanngaanniit susoqaqqissava?, tamanna siulittaasup Torben M. Andersenip apeqqutigaa

Ukiuni arlaqartuni mittarfiliornissat eqqartorneqareersut Nuummi Ilulissanilu mittarfiit tallineqarnissaat aamma Qaqortumi mittarfeqalernissaa aalajangiunneqarpoq.

- Pilersinneqareerneranni inuiaqatigiinnut periarfissanik, aporfinnik aamma anguniagassanik pilersitsivoq, Aningaasaqarnermut Siunnersuisoqatigiinni siulittaasoq Torben M. Andersen tikilluaqqusinermini oqarpoq. Pisoq Hotel Hans Egedemi Nuummi ingerlanneqarpoq, inunnit 140-nit peqataaffigineqarluni.

Angallannikkut allannguerujussuartoqarneratigut periarfissat nammineerlutik takkutissanngitsut Torben M. Andersen naqissusiivoq. Politikkikkut aalajangiusimasoqartariaqartoq ilisimatitsilluni.

Aningaasat qaffapiloornerat
Sulisunik amigaateqarneq aamma aningaasaqarnerup qaffapiloornera, tassa aningaasarsiat qaffanneqarnerat, Kalaallit Nunaata aningaasaqarneranut sunniuteqarlussinnaavoq, professori oqarpoq.

Taamaattumik, soorlu Aningaasaqarnerup Siunnersuisooqatigiivisa siunnersuutigereeraat, mittarfiit ataatsikkut suliarineqassanngitsut siunnersuutigeqqippaa.

- Sukangasuumik aningaasaqarnikkut ingerlatsisoqartariaqarpoq. Suliat amerlineri landskarsimut sunniuteqarluartussaapput. Aningaasat inuiaqatigiinnut kaaviiaartinneqarnissaat sillimaffigineqartariaqarpoq, tamannami aningaasaqarnikkut sunniuteqarlussinnaavoq, Torben M. Andersen oqarpoq.

Inuiaqatigiinni oqimaaqatigiissumik aningaasaqarnikkut inissisimasoqartariaqartoq politikkerinit aamma sulissutigineqarnissaa siunnersuutigaa.

Politikkikkut pitsaasumik aningaasaqarnikkut ingerlatsilluartoqarnissaa siunnersuutigaa, taamaasinngippat mittarfissuit iluaqutaanngitsooratarsinnaammata.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER