Skip to main content

Toqutsisoqarsimanermik suliaq: Angut ulluni 25-ni tigummigallarneqarpoq

Angut 62-inik ukiulik Ilulissani decembarip 29-ata unnuaani toqutsisoqarneranut atatillugu Avannaata eqqartuussivianit ulluni 25-ni tigummigallagassanngortinneqarpoq.

Angut 62-inik ukiulik Pinerluttulerinermi inatsimmi § 86, stk. 1 atorlugu unnerluutigineqarpoq – inuarneq.

Kalaallit Nunaanni Politiini pigaartut pisortaat, Julie Senderovitz Bendtsen, tusagassiutinut nalunaaruteqarluni ilisimatitsivoq.

Angutip tigummigallarneqartup pisimasut eqqartuussivimmi nassuerutigai, nassuiaallunilu ilaqutariit iluanni assortuuttoqarnerata kingorna toqutsisimalluni, tusagassiutinut ilanngullugu nalunaarutigineqarpoq.

Ilulissani toqutsisoqarsimasinnaaneranik, Kalaallit Nunaanni politiit pigaartui arfininngornermi decembarip 29-ani 2018-imi unnuakkut nalunaarfigitipput. Politiit kingorna sumiiffimmukarput, allamillu ajornartorsiutitaqanngitsumik pasisaq tigusaralugu.

LÆS OGSÅ: Politiit toqutsisoqarsimaneranik misissuipput

Suliamut tunngatillugu ullumi, decembarip 30-ani nalunaaqutaq aqqanernut eqqartuussivimmi inatsit tunngaviusoq naapertorlugu killisiuisoqarpoq, angut 62-inik ukiulik sassartinneqarluni tigummigallagassanngortinneqarnissaalu piumasarineqarluni.

Avannaata eqqartuussiviata aalajangerpaa angut 62-inik ukiulik Ilulissaneersoq, ulluni 25-ni tigummigallarneqassasoq.

Misissuineq Ilulissani politiini suli ingerlanneqartoq, sulilu misissuisoqarmat allanik suliamut tunngasunik oqaaseqarsinnaanngikkallarlutik, Kalaallit Nunaanni Politiit pigaartuisa pisortaat, Julie Senderovitz Bendtsen ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER