Toqutsisoqarneranik suliat killiffiat: Ilulissani misissuineq naammassineqartoq

Ilulissani ikuallaavimmi inuup toqungasup timaata ilaanik amiilaarnartumik nassaartoqarneranitukioq ataaseq qaangiuttoq, politiit suliamik misissuinertik naammassivaat,unnerluussisussaatitaasullu inatsisilerituuinut tunniullugu. Toqutsisoqarneranik suliat katillugitarfinillit naammassineqartussaapput.

Unnerluussisussaatitaasup oqaatigaa, angut 33-nik ukiulik nunaqarfimmi Aappilattumi angummik 35-nik ukiulimmik savimmik kapisilluni toqutsisimasutut ukiuni arfineq-marlunni pineqaatissinneqarsimasut inissiisarfianniittussanngortinneqartoq.

Siorna sapaammi 3. oktobarimi politiit siullermeerlutik Ilulissani ikuallaaviup eqqaani
“pasinartumik nassaartoqarsimaneranik” politiit tamanut paasissutissiipput. Aviisi-mit AG-mit allapput.

Ullormi tassani kingusinnerusukkut nutaamik tusagassiuutinut nalunaaruteqartoqarpoq, inuup
timaata ilaanik nassaartoqarneranik naqissusiisumik:

- Maanna nalunaarutigisinnaavarput toqungasup timaata ilaanik nassaartoqarsimasoq.
Taamaammat ajortuliortoqarsimasinnaanera ilimanaateqarsinnaavoq. Misissuinerpullu
toqutsisoqarsimatillugu misissuinertut ingerlavoq, vicepolitiinspektør Gideon Quist oqarpoq.

Kingusinnerusukkut toqungasup timaata ilaanik amerlanerusunik nassaartoqarpoq, politiillu
misissuilluareerlutik angut arnarlu toqutsisimasutut pasineqartut ilisimatitsissutigaat. Siornalu 9. oktober, tassa ukiup ataasinngulersup matuma siorna, tunngaviusumik killisiuinermi angut
tigummigallarneqalerpoq.

Toqungasup timaanik nassaartoqarnera tupinnanngitsumik innuttaasut akornanni
toqqissisimanngitsitsivoq. Attaveqaqatigiittarfitsigut tusatsiakkanik ingerlaartoqalinnginnissaanik unitsitsiniarluni, ilaqutaasut isumaqatiginerisigut politiit pinerliffigineqartup atiata saqqummiunnissaa aalajangiuppaat: 24-nik ukiulik Maassannguaq Dalager.

Toqutsisoqarsimaneranik suliat arfineq-marluk

Ikuallaavimmi toqungasup timaata ilaanik nassaarnermit ukioq ataaseq qaangiuttoq, politiit
misissuinertik naammassivaat, allattoqarfimmi pisortaq Emil Maegaard-Hoffmann AG-mut
ilisimatitsivoq.

Suliarlu taamaattumik maanna inatsisilerituuniilerpoq, taakku suliap eqqartuussivimmi
aalajangiiffigineqannginnerani allagaq unnerluussut nalilersussavaat.

Ukioq manna toqutsisoqarneranik suliat siulliit ilaannut aamma atuuppoq, taanna Tasiilami
pivoq.

Toqutsisoqarneranik sulianit arfineq-marluusunit pingasut maanna eqqartuussivinni
aalajangiiffigineqarput, politiillu suliat pingasut suli
misissuiffigaat.

Tasiilami, Aappilattumi Niaqornanilu pisimasut pillugit suliat aviisimi AG-mi sapaatip-akunnerani matumani saqqummersumi paasisaqarfiginerukkit. Ugguuna iserfigisinnaavat:

Powered by Labrador CMS