Obs: Misissuinermi pisortap paasiniaanermilu aqutsisup Lars Bjerregaardip oqaaseqaataanik nutarternertaqarpoq.

Misissuisartunik aamma ikuallattoqarsimatillugu qimmimik misissuinermi ikiortigineqartartumik Danmarkimit tikittoqarsimasoq, Kalaallit Nunaanni Politiit Sermitsiaq.AG-mut ilisimatitsipput.

Misissuiartortut qimmerlu arnap 80-inik ukiullip Nuummi inissiami Ceresvejimi marlunngornermi uani sapaatip-akunnerani nassaarineqartoq pillugu suliami atorneqassapput.

Qimmeq ikuallattoqarsimatillugu misissuinermi ikiortigineqartartoq, ikuallassimasumi imerpalasunik ikuallassinnaasunik naamasaqarnissamut immikkut sungiusagaavoq.

Tassa imaappoq, ikuallatsitsisoqarsimaneranik paasiniaanermi qimmeq atorneqarsinnaavoq.

Arnap inigisaani Blok O-mi Ceresvejimi ikuallattumik qamitsiniarnermut atatillugu arnaq toqungasoq nassaarineqarpoq.

Misissuinermi pisortaq: Paasissutissat tamarmik qulakkeerniarneqartut

Ikiortissat sisamanngornermi unnukkut tikissimasut, taakkulu Københavnimi politiininngaanneertut, toqusoqarsimatillugu misissuisartut qimmerlu pinerluffiusumi misissuissasut, tallimanngornermi ulloqeqqaanerani Kalaallit Nunaanni Politiit tusagassiuutinut nalunaarummi paasissutissiipput

- Tamatuma saniatigut toqusunik misissuisartunik ikiuisoqarpoq, taakku arnaq toqusoq misissorlugu sumik toqquteqarnersoq qulaajaassapput, politiit allapput.

Misissuinermi pisortap Lars Bjerregaardip oqarnera naapertorlugu, politiit suliamik ulapputeqarput:

- Suli aallarniutaasumik suliaqarpugut, tassani paasiniaaqqissaarpugut paasissutissallu tamarluinnaasa qulakkeerniarlugit, taamaalilluta pisoq tamakkerlugu paasisaqarniassagatta. Misissuinermi suli pingaarutilinnik suliassaqarpugut, ilaatigut pinerluttoqartillugu misissuisartut aamma toqusunik misissuisartut maanna tikissimasut pisariaqartinneqarlutik, Lars Bjerregaard oqarpoq.

Akunnerni 72-ini tigummigallarneqartoq

Pisoq toqutsisoqarsimaneranik misissuinertut ingerlanneqartoq politiit nalunaarutiginikuuaat, pingasunngornermilu angut 30-t sinnerlugit ukiulik eqqartuussisoqarfimmit akunnerni 72-ini tigummigallarneqartussanngorlugu suliami toqutsisimasutut unnerluunneqarpoq. Taanna pinngitsuunerarpoq.

Angutip tigummigallarneqarnera arfininngornermi qaangiutissaaq, kisianni angut tigusarineqartoq pillugu suliap ingerlanissaa piffissami matumani oqaaseqarfigisinnaanngilaat – tassa tigummigallarneqarnera politiit sivitsortinniarsariniarpaat.

Nutaarsiassat

Kommunip paaqqinnittarfiini atuarfiup kingorna ornittakkanilu sulisut pikkorissartut

Nuummi paaqqinnittarfinni kiisalu atuarfiup kingorna ornittakkani sulisut ilinniagaqarsimanngitsut piginnaanngorsaqqinneqarnertik sapaatit akunnerisa qulinganni aallartippaat....

Innuttaasunik suliffeqarfinnillu sullissineq pitsaanerusoq

Qatserisartut Sermersuup innuttaasut suliffeqarfiillu  ajornannginnerusumik upalungaarsimasunut attaveqartarnissaat kissaatigivaa.

Nalinginnaasunik apeqqutissaqaruit imaluunniit...