Toqutsisoqarneranik suliami politiit angut tigusaraat

Nuummi arnap toqungasup nassaarineqarneranut atatillugu suliami angut 30-it sinnerlugit ukiulik marlunngornermi tigusarineqarpoq.

Nuummi Ceresvejimi inissiami ikuallattoqarneranut atatillugu suliami angut tigusarineqarsimasoq, Kalaallit Nunaanni Politiit pingasunngornermi ullaap tungaani ilisimatitsipput.

Ikuallattumik qamitsisoqarneranut atatillugu arnaq toqungasoq nassaarineqarpoq, politiillu toqutsisoqarneranik suliamik aallartitsipput.

Angut marlunngornermi tigusarineqarpoq, tusagassiuutinut nalunaarummi ilisimatitsissutigineqarpoq.

- Arnaq toqusoq 80-it sinnerlugit ukioqartoq, Kalaallit Nunaanni Politiit ilisimatitsissutigisinnaavaat. Angut tigusarineqartoq 30-it sinnilaarlugit ukioqarpoq, politikommissæri Brian Thomsen allappoq.

Politiit suliamik suli misissuipput, tigusarineqartorlu ullup ingerlanerani tigummigallarneqarnissaa siunertaralugu eqqartuussivimmi sassartinneqassaaq. Angut sumik unnerluutigineqassanersoq nalunaarummi allaqqanngilaq.

Ilisimannittunik ujartuisut

Politiit nutaanik paasissutissaateqanngillat, kisianni ilisimannittunik suli ujartuipput:

- Innuttaasut piffissami ataasinngornerup marlunngornerullu 30. aamma 31. januaarip akornanni nal. 2400 aamma 08.000 tikillugu inunnik pasinartumik pissusilersortumik takunnissimasinnaasut eqqumaffiginnissasut politiit qinnuiginnipput.

- Innuttaasut paasissutissaasinnaasunik tunuarsimaaruteqassanngillat, paasissutissat politiit misissuinerannut pisariaqartinneqarsinnaammata.

Suliami paasissutissaateqaraanni politiinut sianertoqarsinnaavoq, oqarasuaat 70 14 48.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS