Toqutsineq pillugu ukiut arfineq-pingasut: Innarluutilik ipitinneqarluni toqunneqartoq
Oqarasuaammik angallattakkamik, ikiaroornartumik aningaasanillu aggorsimasunik tillinneq patsisigineqarput, angut innarluutilik martsimi ukioq kingulleq sakkortuumik persuttarneqarneranut. Persuttaanerup kingorna angut Nuummi umiatsiaatillit talittarfeeraata eqqaanut immamut inginneqarput, ipillunilu.
Annonse
Eqqartuussiviup angut 30-leereersimasoq angerlarsimaffeqanngitsoq, inuartutut ukiuni arfineq-pingasuni pineqaatissinneqarsimasut inissiisarfianniittussanngorlugu pineqaatissippaa.
AG taama allappoq.
Toqutsineq Nuummi umiatsiaatillit talittarfianni martsimi siorna pivoq, pineqaatissinneqartup angut utoqqaq innarluutilik tukertarlugulu tummaaraa. Oqarasuaat angallattagaq, ikiaroornartoq aningaasallu aggorsimasut kingorna tillippai. Angut utoqqaq kingorna talittarfimmit ammut ajanneqarpoq, ipillunilu.
Eqqartuussivimmi suliap suliarineqarnera pillugu aviisimi AG-mi atuarnerusinnaavutit. Aviisi nittartakkakkut uani ataatigut pissarsiarisinnaavat: