Skip to main content

Toqusoq: Polar Seafood alianartumik nalaataqartoq

Kalaallit Nunaanni suliffeqarfiit namminersortut annersaat Polar Seafood A/S alianartumik nalaataqarpoq. Anders Jonas Brøns, suliffeqarfissuarmik pilersitsisuullunilu piginneqataasoq, tallimanngornermi ullaap tungaani Aalborgimi umiarsualivimmi toqungasoq nassaarineqarpoq, Sermitsiaq.AG taama tusagaqarpoq.

Umiarsuup neriniartarfiup Prinses Julianep avataani Vestre Havnepromenademi, tallimanngornermi ullaap tungaani nalunaaqutaq 10.49, angummik toqungasumik nalunaarutiginnittoqarpoq, Jyllandip avannaani Politiit pigaartuat, Sermitsiaq.AG-mut taama ilisimatitsivoq.

68-nik ukiulik Anders Jonas Brøns nunamut qaqinneqarpoq, ikiueqqaarniarnerup kingorna Aalborgimi Universitetshospitalimukaanneqarpoq, tassani toqusutut nalunaarutigineqarluni.

Alianartumik toqusoqarnera pillugu ilaqutaasut nalunaarfigineqareerput.

Ajutoorsimagunartoq

Tallimanngornermi ualikkut – nordjyske.dk allaaserinninnera naapertorlugu – politiit pinerluttoqarsimaneranik pasinartoqannginnerarpaat. Akerlianik politiit alianartumik ajutoortoqarsimassangatippaat.

LÆS OGSÅ: Leth toqusoorneq pillugu: Tamatta sunnerteqqaqaagut

Anders Jonas Brøns sisamanngornermi unnukkut ilaatigut ukiorpassuarni niuernikkut suleqatigisimasani Jens Salling peqatigalugu Alborgimi nereqatigiissimapput, taakku Polar Seafoodimik piginneqatigiipput.

Sisamanngornermi unnukkut nereqatigiit avissaarlutik ingerlapput. Tamatuma kingorna Anders Jonas Brønsip qanoq pisimanera maanna ilisimaneqanngilaq.

Pisuut allattorsimaffianni

Berlingskep Danmarkimi pisuujunerpaat naatsorsorneqarneranni septembarimi 2016-imi Anders Jonas Brøns aamma Jens Salling ilanngupput. Normu 79-itut aamma 80-itut.

Taamatut inissinnerat minnerunngitsumik Polar Seafoodimik piginnittuunerannik pissuteqarpoq, taakku ukiunit 30-nit amerlanerusunit aalisarnermut suliffeqarfimmik ingerlalluartumik nutaaliaasumik pilersitsipput, nunarsuup sinneranut raajanik aamma qalerannik avammut tunisinermik ingerlataqarlutik.

Inuussutissarsiortoq sullarissoq tunuarsimaartoq, pisuut allattorsimaffiannut 2016-imi ilanngunnermini business.dk-mnut ima oqaaseqarpoq:

- Sulilluarlutalu iluatsitsinikuuvugut, Nunatsinni Danmarkimilu allaffitsinni pikkorissunik atorfinitsitsilluta. Aalisakkanillu niuerneq aallunnikuuarput, Anders Jonas Brøns, tusagassiorfitsigut saqqumerusunnginnerusoq taama oqarpoq.

LÆS OGSÅ: Sulisut ima paasitinneqarput

Arsummioq

Anders Jonas Brøns Kujataani nunaqarfimmit Arsummeerpoq, angajoqqaavi tassani niuernermik ingerlataqarput. Kisianni aalisarnikkut inuussutissarsiornerup pitsaasumik angusaqartippaa. Siullermik Hans Pavia Egedep suleqatigineqatigut, taakku Nuummi 1984-imi Polar Seafood pilersippaat. Kingorna Hans Pavia Egede suliffeqarfimmit tunuarpoq, taamanikkulli Jens Salling piginneqataassuteqalerneranit suleqatigiilerput.

Polar Seafood tunisassiorfinnik, kilisaatinik tunisassiorfilinnik aamma kilisaatinik arlalinnik pigisaqarpoq, milliardilikkaanillu kaaviiaartitaqarlunilu avammut tunisaqartarpoq.

Inuussutissarsiortoq maniguuttoq, tunuarsimaartoq sallaatsorlu decembarip 22-anni 69-inik ukioqalertussaagaluarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER