Skip to main content

Toqusoq: Isiginnaartitsisartoq Orto Ignatiussen toqusoq

Orto Ignatiussen, 60-inik ukioqarluni, angerlarsimaffimmini toqungasoq ataasinngorneq martsip sisamaani 2019 nanineqarpoq.

Orto Ignatiussen isiginnaartitsinermi sungiusaasuuvoq, isiginnaartitsisartuulluni qalipasutullu namminersortuulluni. Suleqatigisimasaa ikinngutaalu, tarnip pissusaanik immikkut ilisimasalik Karen Littauer nalunaarummini allappoq, inuusimasoq asaneqarluartoq.

Orto Ignatiussen filmimi naatsumi Aningaaq-mi, filmimut Gravity-mut 2013-imi suliarineqartumi atatillugu filmiliarineqartumi, pingaarnertut inuttaalluni peqataasimavoq. Filmimi Gravity-mi nipaa kisiat tusaaneqarsinnaavoq, filmili naatsunngorlugu suliami Orto Ignatiussen inuttatut pingaarnertut peqataatinneqarpoq, radioaqqakkut oqaluussinera ilanngunneqarluni. Gravity 2014-imi arfineq-marlunnik Oscarinnatsinneqarpoq.

- Orto asaneqarluni inuuvoq, taamaakkaluartoq meeraanera sakkortusimaqaaq, taannalu innuunerata sinneranut sunniuteqarsimaqaaq sakkortuumik inuuneqarluni inuunerata sinneranut sunniuteqarnerlussimasumik. Naggataagut taama inuuneqarneq timaata artulersimavaa naggataagullu siniffimmini anernigiinnarsimavoq, Karen Littauer nalunaarummini allappoq.

Paquminartunik atorunnaarsitsisoq

Orto Ignatiussen Karen Littauer peqatigalugu Kalaallit Nunaanni angalasarsimavoq meeqqallu isiginnaartitsinissamik ilinniartittarsimallugit. Isiginnaartitsisarneq aqqutigalugu meeqqanik sumiginnaanerup paquminartuuneranut atorunnaarsitsiniaqataasimavoq.

Meeqqanik isiginnaartitsisitsisarsimanini pissutigalugu arlalinnik nersornaaserneqartarsimavoq, nersornaalli annerusoq, Danmarks Børnesagspris 2006-imi tunniunneqarluni.

- Orto qanilaartuuvoq inuk asannittoq inoqamminik tusarnaarnissamut piffisaqarluartoq, Karen Littauer allappoq.

Orto​​​​​​​ Ignatiussen marlunnik inersimasunik qitornaqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER