Skip to main content

Toqumik kinguneqartumik persuttaasimasumut pineqaatissiissut Nunatta Eqqartuussivianit sakkortusineqartoq

Nunatta Eqqartuussiviata suliami pineqaatissiissutaasimasoq ippassaq sakkortusisimavaa, suliami pineqartumi angut utoqqasaaq persuttarneqarnermi kingorna ullut 14-t qaangiuttut toqukkut qimagussimavoq.

Angut 50-it sinnilaarlugit ukiulik nunatta eqqartuussivianit ukiut sisamaat avillugu sivisutigisumi pinerluuteqarsimasunut inissiisarfimmiittussanngorlu eqqartuunneqarsimavoq. Taamaalilluni Kujalliup Eqqartuussiviata siorna martsip qaammataani persuttaasimasumut, ukiuni pingasuni pinerluuteqarsimasunut inissiisarfimmiittussanngortitsilluni eqqartuussutaasimasoq sivitsorneqarpoq.

- Nunatta Eqqartuussivianit nalilerneqarpoq, ulorianartumik peqqarniitsumillu persuttaasoqarsimasoq, persuttaasimanerlu pineqartup toquneranut pissutaasoq. Ilaatigulli persuttarneqarsimasup persuttarneqarnermini ilisimajunnaarsimannginnera pissutigalugu, nunatta eqqartuussivianit nalilerneqarpoq - soorlu aamma najukkami eqqartuussivik taamatut naliliisimasoq - persuttaasimasup angummik toqutsinissaminik siunertaqarsimanera qularnaarlugu oqaatigineqarsinnaanngitsoq. Taamaammallu toqutsisimasutut pineqaatissinneqarsinnaanngitsoq, Kalaallit Nunaanni Politiit tusagassiorfinnut nalunaaruteqarnermi ilisimatitsipput.

Eqqartuussummut pissutsit allat aamma ilaatinneqarput, soorlu Faccebookikkut Kalaallit Nunanni poltikkerinik nuimasunik marlunnik sioorasaarisimaneq, inerteqqutaasumik angerlarsimaffimmi immiorsimaneq aserorterisimanerlu. 

- Angummut utoqqasaamut peqqarniitsumik persuttaasimaneq pineqarpoq, ajoraluartumik toqukkut qimagunneranik kinguneqartumik. Taamaammat nunatta eqqartuussiviata pineqaatissiissummik sakkortunerulersitsinera naammagisimaarpara, unnerluussisutut fuldmægtigi Emil Maegaard-Hofmann, nunatta eqqartuussiviani suliamik ingerlatsisimasoq oqarpoq. 

Pineqaatissinneqatoq aamma toqusup qimagaanut 75.000 koruuninik akiliisussanngortinneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER