Skip to main content

Toqumik kinguneqartumik ajutoorneq: Unnerluussutit amerlineqartut

Arnap inuusuttup inuuneranik naleqartumik, Nuup eqqaani umiatsiamik ajutoortoqarnera pillugu suliami inunnut marlunnut unnerluussutit politiinit amerlineqarput.

Sapaammi juulip 19-iani unnuakkut umiatsiaq Nuup eqqaani ajutoormat arnaq inuusuttoq toqukkut qimaguppoq. Ilaasut arfinillit allat ajoqusersimallutik.

Ajutoorneq pivoq umiatsiaq sukkasuuliaq sikuminermut apormt, ilaasullu arfineq marluusut ilaat imaanut nakkaasimallutik.

Ajutoornermut atatillugu inunnit arfiniliusunit annaanneqartunit marluk mianersuaalliorlutik toqutsisimasutut, timikkut ajoqusiisimasutut imigassartorsimallutillu angalasimasutut unnerluutigineqarput.

Unnerluutigineqartut taakku marluk maanna pissutsinut marlunnut pingasunullu tunngatillugit maanna unnerluutigineqarneri ilaneqarput.

Kina aquttuusimanersoq paasineqanngitsoq

Imaatigut angalanermi isumannaallisaaneq pillugu inatsimmi paragraf 29 kiisalu eqqartuussisarnermik inatsimmi paragraf 90, ulorianartorsiortitsinermut tunngassuteqartoq matumani pineqarput. Unnerluutigineqartut aappaa aamma annanniuteqarani angalasimasutut unnerluutigineqarpoq.

Kalaallit Nunaanni Politiit attaveqartarnermut sulisuat Camilla Palmann Sermitsiaq.AG-mut taamatut ilisimatitsivoq.

Politiit aallaqqaammut inuit taakku marluk unnerluutigaat, tassa ajutoornerup nalaani taakku arlaat sorleq aquttuusimanersoq erseqqissumik paasineqannginnera pissutigalugu.

Tammalu suli paasineqanngilaq, naak inuit pineqartut politiinit apersoqqinneqarsimagaluartut. Politiit naapertorlugit, inuit taakku marluusut arlaannaataluunniit kinarleq aquttuusimanersoq uppernarsarsinnaasimanngilaat.

Misissuisimanermit paasissutissat utaqqimaarneqartut

Suliaq suli misissuiffigineqarpoq, politiillu unnerluutigineqartut taaku marluusut aaversinnerannit akissutissat kiisalu misissuinermit takussutissat Danmarkimi misissugassatut nassiunneqarsimasut akissutissartaat suli utaqqivaat.

Camilla Palmannip aamma ilisimatitsissutigaa, Imarsiornermut Aqutsisoqarfik politiit qinnuiginninneratigut umiatsiamik misissuisimasoq.

Politiit inuit arfinillit ajutoornermi ajoqusersimasut qanoq innerat ilisimanngilaat, taakkuli arlaannaalluunniit inuunerminnik ulorianartorsiunngillat.

Qapiarfiusaami ukioqatigiinngiiaanut meeqqerivissaq sanallugu aallartinneqarpoq
Borgmester Charlotte Ludvigsenip Qapiarfiusaami ukioqatigiinngiiaanut meeqqerivissamik sanaartornissaq malunnartinneqarmat nivariarnermut siullermut taarsiullugu qillerut tigoriarlugu qinneq siulleq...
Angerlarsimaffeqanngitsoq: Blok C-mut nuulluni iluaqaaq
Innuttaasut ilaat Nuuk Imerup tunuani tupeqarfiugallarsimasumi najugaqarsimasut ippassaq blok C-mut D-mullu nutserput. 32-nik ukiullip Peter Abrahamsenip, illut quleriinnik initalinnut nutsernertik...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER