Skip to main content

Toqumik kinguneqartumik ajutoorneq: Isertitsivimmi sulisoq akissarsitinneqartoq

Isertitsivimmi sulisoq, Nuup Kangerluani umiatsiaq ajutoormat, arnap ajornartorsiortup sumiissusersiniarnerani iluaqutaasimavoq.

Sapaatikkut juulip 19-iani umiatsiaq sukkasuuliaq Nuummi isertitsiviup nutaap Sermitsiallua akornanni ajutoorpoq.

Umiatsiami inuit arfineq-marluk issimasimapput. Arnaq inuusuttoq ajunaarpoq, ilaasullu allat arfinillit annaanneqarlutik.

Umiatsiap ajutoortup sumiissusersiniarnerani isertitsivimmi sulisoq iluaqutaasimavoq, fagbladet Fængselsfunktionæren allappoq.

Ajutoortoqarmat arnaq imaanut nakkarsimavoq, sikuminermulli qaqisinnaasimalluni politiinut kalleriuteqarsinnaasimavoq.

Inuk sikuminermiittoq sumiissusersisimagaa

Arnaq politiinut nalunaaruteqarmata, politiit Nuummi isertitsivimmi sulisoq attavigisimavaat, Peter Rosinngi unnuaq taanna pigaartuusimavoq.

Isertitsiviup nakkutilliinermi assiliivia atorlugu kangerluk misissorsimavaa, minutsiunngittorluunniit inuk sikuminerup qaavaniittoq takusinnaalersimavaa. Taamaalillunilu umiatsiat annaassiniartut toqqaannartumik orniguffissaanut innersuussinnaasimallugit, Fængselsfunktionæren allappoq.

- Pigaartuuneq nalinginnaasumik aallartippoq, nalunaaqutarli 2:24 saaffiginnittarfimmit sianertoqarpoq. Taakku paaserusussimavaat, assiliivik atorlugu kangerlummi umiatsiamik takusaqarsinnaanersunga. Ingerlaannartumik takusaqarsinnaasimanngilanga. Assiliivilli zoomerlugu takusinnaalersimavara sikuminermi qernertunnguaqartoq, Peter Rosing fagbladimut oqaluttuarpoq.

Pinerluuteqarsimasunut Isumaginnittoqarfimmit akissarsitinneqartoq

Peter Rosingip takusani politiinut nalunaarutigisimavaa, sikuminerullu qaavani inoqartoq erseqqissumik politiinut oqaatigisimallugu.

Fængselfunktionæren naapertorlugu, politimesterip Peter Rosing nersualaarsimavaa, Pinerluuteqarsimasunullu Isumaginnittoqarfimmik 1.500 koruuninik akissarsitinneqarsimalluni.

Kalaallit Nunaanni Politiit inuit marluk imigassartorsimallutik angalasimasutut aamma mianersuaalliorlutik toqutsisimasutut unnerluutigaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER